श्री ट्रष्ट माइक्रो इन्स्योरेन्सको आईपीओ सार्वजनिक गर्नेबारे सम्झौता

सेयर

गृहपृष्ठ
सेयर

श्री ट्रष्ट माइक्रो इन्स्योरेन्सको आईपीओ सार्वजनिक गर्नेबारे सम्झौता

क्यापिटल नेपाल आइतबार, फागुन ४, २०८१

काठमाडौं। श्री ट्रष्ट माइक्रो इन्स्योरेन्स लिमिटेडले आफ्नो पुँजीको ३० प्रतिशतले हुन आउने २२ करोड ५० लाख मूल्य बराबरको कूल २२ लाख ५० हजार कित्ता साधारण शेयर (आईपीओ) सार्वजनिक गर्ने भएको छ।

प्रतिसेयर मूल्य एक सयका दरले सर्वसाधारणका लागि आईपीओ निष्काशन गर्न आज धितोपत्र निष्काशन तथा बिक्री प्रबन्धकको काम पूरा गर्न श्री एनआइएमबि एस क्यापिटल लिमिटेडलाई नियुक्त गरी सम्झौता गरेको छ।

न्यून आय भएका एवं पिछडिएका क्षेत्रका बासिन्दा र सिमान्तकृत समुदायका व्यक्तिहरूलाई लघु बीमा सेवा पु¥याउने लक्ष्य लिई यस ट्रष्ट माइक्रो इन्स्योरेन्स लिमिटेड वि.सं. २०८० साल कात्र्तिक महिना १२ गते निर्जीवन लघु बीमाको इजाजतपत्र प्राप्त गरी लघु निर्जीवन बीमा कम्पनीको हैसियतले चैत्र १ गतेदेखि लघु निर्जीवन बीमासम्बन्धी कारोबार सञ्चालन गर्दै आइरहेको छ।

उक्त सम्झौता पत्रमा निष्काशन कम्पनीका तर्फबाट प्रमुख कार्यकारी अधिकृत उज्वल ढुंगाना र निष्काशन तथा बिक्री प्रबन्धकका तर्फबाट महाप्रबन्धक सचिन्द्र ढुंगानाद्वारा हस्ताक्षर गरिएको छ।

प्रकाशित मिति: आइतबार, फागुन ४, २०८१ १८:२०

प्रतिक्रिया दिनुहोस्