एक महिनापछि पाम आयल निर्यात खुल्ला, लाइसेन्स अनिवार्य

उद्योग

गृहपृष्ठ
उद्योग

एक महिनापछि पाम आयल निर्यात खुल्ला, लाइसेन्स अनिवार्य

क्यापिटल नेपालशनिबार, माघ २५, २०७६

काठमाडौं । एक महिनापछि पाम आयल निर्यात खुल्ला भएको छ । भारतले गत पुस २३ गते पाम आयल आयातमा प्रतिवन्ध गरेसँगै रोकिएको निर्यात खुलेको हो ।

नेपालको निर्यातमा महत्वपूर्ण हिस्सा ओगट्दै आएको पाम आयल निर्यात गर्न लाइसेन्स अनिवार्य गरिएको छ । भारतीय कम्पनी आरएन इम्प्याक्टले नेपालबाट पाम आयात गर्न लाइसेन्स पाएको उद्योग, वाणिज्य तथा आपूर्ति मन्त्रालय स्रोतले जनाएको छ । नेपालले भारतीय अन्य कम्पनीलाइ पनि लाइसेन्स दिने प्रक्रियामा रहेको मन्त्रालय स्रोतले जनाएको छ ।

यो पनि पढ्नुस, भारतले पाम आयल आयातमा प्रतिबन्ध गरेपछि सिंहदरबारमा खैलाबैला, खुलाउन कुटनीतिक पहल सुरु

पाम आयात निर्यातका लागि भारतीय कम्पनीले अनिवार्य रुपमा लाइसेन्स लिनुपर्ने छ । यसअघि भारतले मलेसियाबाट आउने पाम आयललाई मात्रै रोक्न खोजेको बुझाइ सहित नेपाली पक्षले भारतीयसँग नेपालबाट जाने पाम आयललाई खुलाउने प्रयास गर्दै आएका थिए ।

भन्सार विभागको तथ्याङ्क अनुसार नेपालबाट ५ महिनामा ११ अर्ब ५२ करोड रुपैयाँ बराबरको पाम आयाल भारत निकासी भएको छ । नेपालमा उत्पादन नभए पनि व्यापारीहरुले इन्डोनेसिया र मलेसियाबाट पाम आयल ल्याएर यहाँँ प्याकेजिङ गरेर बिक्री गर्दै आएका थिए ।

यो पनि पढ्नुस,

नेपाली पाम आयल रोक्न भारतमा लविङ, शुन्य भन्सार सुविधा नदिन दवाव

नेपालको पाम आयल भारतले रोक्यो, १० अर्ब लगानी जोखिममा

पाम तेल आयातमा भारतले लगायो प्रतिबन्ध,के होला नेपालको निकासी ?

पाम आयलको ‘भ्यालू एड’लाई लिएर पहिल्यै संशकित थिए भारतीय, सरकारले प्रस्ट्याउँदा पनि केही लागेन

प्रकाशित मिति: शनिबार, माघ २५, २०७६ १९:०९

प्रतिक्रिया दिनुहोस्