ललितपुरका यी स्थानमा आज बिजुली काटिंदै

पूर्वाधार

गृहपृष्ठ
पूर्वाधार

ललितपुरका यी स्थानमा आज बिजुली काटिंदै

क्यापिटल नेपालशुक्रबार, चैत ८, २०८१

काठमाडौं। नेपाल विद्युत् प्राधिकरणले ललितपुरका विभिन्न स्थानमा आज बिजुली कटौती गर्ने भएको छ।प्राधिकरणले एक सूचना जारी गर्दै पुल्चोक वितरण केन्द्रको पाटन फिडरअन्तर्गत पर्ने विभिन्न स्थानमा बिजुली कटौती हुने बताएको हो।

प्राधिकरणका अनुसार, भनीमण्डल,एकान्तकुना,लामाचौर,समिट होटल,बखुन्डोल,पुरानो मन्त्री क्वाटर,सम्झिखेल, अरूण थापा चोक क्षेत्रमा आज दिउँसो १२ देखि २ बजेसम्म लाइन काटिने छ। पाटनको एक सय ३२ केभी सबस्टेशनको प्राविधिक कामका लागि लाइन काटिन लागेको प्राधिकरणले जारी गरेको सूचनामा उल्लेख गरेको छ।

ती स्थानमा बिजुली काटिँदा ग्राहकमा पर्न गएको असुविधाप्रति प्राधिकरणले माफी मागेको छ। निर्धारित कार्य तोकिएको समयअगावै सम्पन्न गरी नियमित बिजुली उपलब्ध गराइने प्राधिकरणले सूचनामार्फत जनाएको छ।

प्रकाशित मिति: शुक्रबार, चैत ८, २०८१ ०६:३४

प्रतिक्रिया दिनुहोस्