सुनको मूल्यमा रेकर्ड ब्रेक, एकै दिन ६ हजार ९०० रुपैयाँले बढ्यो

कर्पोरेट बजार

गृहपृष्ठ
कर्पोरेट बजार

सुनको मूल्यमा रेकर्ड ब्रेक, एकै दिन ६ हजार ९०० रुपैयाँले बढ्यो

क्यापिटल नेपाल मंगलबार, वैशाख ९, २०८२

काठमाडौं। अन्तर्राष्ट्रिय बजारमा बढेसँगै नेपाली बजारमा पनि सुन मूल्यले रेकर्ड ब्रेक गरेको छ।

राष्ट्रपति ट्रम्पले बिहीबार फेडरल रिजर्भका अध्यक्ष जेरोम पावेलविरुद्ध अमेरिकाको भन्सार शुल्क वृद्धिमा नसघाएको आरोप लगाएर बर्खास्तगीसम्मको चेतावनी दिएका थिए।

राष्ट्रपति डोनाल्ड ट्रम्पले अमेरिकी केन्द्रीय बैंकिङ प्रणालीको आलोचना गरेसँगै डलर कमजोर हुँदा अन्तर्राष्ट्रिय बजारमा सुनको मूल्य ह्वात्तै बढेको हो।

सोही कारण पछिल्ला दिनमा अमेरिकी डलर निरन्तर घट्दै गएको छ भने लगानीकर्ताहरु सुनतिर हाम फाल्दा मूल्यले अकास छुन थालेको छ। अन्तर्राष्ट्रिय सञ्चार माध्यमले सुनको मूल्य अझै बढ्ने बढ्ने बताएका छन्।

नेपाल सुनचाँदी व्यवसायी महासंघका अनुसार आज सुनको मूल्य एकै दिन तोलामा ६ हजार ९०० रुपैयाँ बढेर २ लाख नजिक पुगेको छ।

सोमबार छापावाल सुन प्रतितोला १ लाख ९१ हजार रुपैयाँमा कारोबार भएकोमा आज प्रतितोला १ लाख ९७ हजार ९०० रुपैयाँमा किनबेच भइरहेको हो। आज कायम सुन मूल्य हालसम्मकै उच्च हो।

आज चाँदीको मूल्य पनि बढेको छ। सोमबार प्रतितोला १ हजार ९६० रुपैयाँमा किनबेच भएको चाँदी मंगलबार तोलामा १ हजार ९७० रुपैयाँ कायम भएको छ। आज चाँदी प्रतितोलामा १० रुपैयाँले बढेको छ।

प्रकाशित मिति: मंगलबार, वैशाख ९, २०८२ ११:१६

प्रतिक्रिया दिनुहोस्