रासायनिक मल खरिद प्रावधान संशोधन, मल अभाव हट्ने दाबी

कृषि

गृहपृष्ठ
कृषि

रासायनिक मल खरिद प्रावधान संशोधन, मल अभाव हट्ने दाबी

क्यापिटल नेपालबुधबार, वैशाख १७, २०८२

काठमाडौं। खेतीपातीका बेला किसानले सास्ती बेहोरेपछि सरकारले रासायनिक मल खरिद प्रक्रिया सहज बनाउन सार्वजनिक खरिद नियमावली संशोधन गरेकाे छ।

सरकारले सार्वजनिक खरिद नियमावली, २०६४ को १४औं संशोधनमार्फत रासायनिक मल खरिदसम्बन्धी नयाँ प्रावधान ल्याएको हो। यो नियमावली वैशाख १५ को राजपत्रमा प्रकाशित भइसकेको छ।

संशोधित नियमावलीले रासायनिक मल खरिदका लागि आर्थिक प्रस्ताव खोल्ने स्थान, मिति र समय उल्लेख गरी राष्ट्रिय स्तर वा अन्तराष्ट्रिय स्तरको बोलपत्रको हकमा कम्तीमा सातदिने अवधि राखेर सूचना जारी गर्नुपर्नेछ।

नियमावलीमा बोलपत्रदाताले पेस गरेको प्राविधिक प्रस्ताव खोलेको मितिदेखि ३० दिनसम्म बोलपत्र मान्य हुने अवधि उल्लेख गर्नुपर्ने प्रतिबन्धात्मक नियम थपिएको छ।

रासायनिक मल खरिद प्रक्रिया लामो समय लाग्ने तर अन्तर्राष्ट्रिय बजारमा छिटो–छिटो मूल्य परिवर्तन हुने अहिलेको अवस्थालाई घटाउने गरी नियमावली संशोधन भएको कृषि मन्त्रालयले जनाएको छ।

किसानले समयमै मल पाउन नसकिरहेको र खरिद प्रक्रिया लामो हुँदा समयमै मल आयात गर्न गाह्रो भइरहेका बेला नियमावली संशोधन गरिएको कृषिमन्त्री रामनाथ अधिकारीले बताए।

प्रकाशित मिति: बुधबार, वैशाख १७, २०८२ ०७:२७

प्रतिक्रिया दिनुहोस्