फोनपे बन्यो आईसीटी क्षेत्रको सर्वाधिक कर तिर्ने संस्था, सरकारबाट पायो सम्मान

प्रविधि

गृहपृष्ठ
प्रविधि

फोनपे बन्यो आईसीटी क्षेत्रको सर्वाधिक कर तिर्ने संस्था, सरकारबाट पायो सम्मान

क्यापिटल नेपालआइतबार, वैशाख २१, २०८२

काठमाडौं। फोनपे सूचना तथा सञ्चार प्रविधि (आइसीटी) क्षेत्रको सर्वाधिक कर तिर्ने संस्था बनेको छ। नेपाल सरकारले फोनपेलाई सम्मानसमेत गरेको छ। काठमाडौंमा आयोजित विशेष समारोहमार्फत ८औँ राष्ट्रिय आईसीटी दिवसका अवसरमा सरकारले फोनपेलाई सम्मान गरेको हो।

प्रधानमन्त्री केपी शर्मा ओलीले फोनपेका प्रमुख कार्यकारी अधिकृत दिवास कुमारलाई सम्मान पत्र प्रदान गरेका हुन्। सम्मानले कम्पनीको करदाताको रूपमा देखाएको उत्तरदायित्व र नेपालको डिजिटल प्रवर्द्धनमा गरेको योगदानको उच्च मूल्यांकन भएको कम्पनीले जनाएको छ।

फोनपेले नेपालको आईसीटी इकोसिस्टमको विकास र वृद्धिमा खेलेको महत्त्वपूर्ण भूमिकालाई यस सम्मानले थप प्रस्ट्याउने बताएको छ। कम्पनीका अनुसार डिजिटल वित्तीय सेवा क्षेत्रमा अग्रणी कम्पनीका रूपमा फोनपेले सधैं नगदरहित अर्थतन्त्रको प्रवर्द्धन, वित्तीय समावेशीकरण र व्यवसाय तथा उपभोक्तालाई सशक्त बनाउने समाधानहरू विकास गर्न प्रतिबद्ध रहँदै आएको छ।

प्रकाशित मिति: आइतबार, वैशाख २१, २०८२ १८:२३

प्रतिक्रिया दिनुहोस्