विद्युत् सर्ट भएर आगलागी, १३ लाखको क्षति

समाज

गृहपृष्ठ
समाज

विद्युत् सर्ट भएर आगलागी, १३ लाखको क्षति

क्यापिटल नेपालसोमबार, वैशाख २२, २०८२

काठमाडाैं। विद्युत् सर्ट भएर बैतडीमा आज बिहान एक घरमा आगलागी भएको छ। बैतडीको दशरथचन्द नगरपालिका–१ गुरुखोला श्रीखण्डका केशवदत्त भट्टको घरमा आगलागी हुँदा १३ लाख बराबरको क्षति भएको बैतडीका प्रहरी प्रवक्ता, प्रहरी निरीक्षक बलराम पाण्डेयले जानकारी दिए।

आज बिहान साढे ८ बजेतिर विद्युत् सर्ट भएर भट्टको घरमा आगलागी भएको हो। आगलागीबाट घरको दोस्रो तलामा क्षति पुग्नुका साथै घरभित्र रहेका अन्न, लत्ताकपडालगायत सामग्री जलेर नष्ट भएका भएका छन्।

प्रहरी चौकी गुरुखोलाबाट खटिएको प्रहरी टोली र स्थानीयको सहयोगमा आगलागी नियन्त्रणमा लिइएको हो। घटनाका विषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ।

प्रकाशित मिति: सोमबार, वैशाख २२, २०८२ १२:४४

प्रतिक्रिया दिनुहोस्