जलवायु परिवर्तनको कार्यक्रममा वर्ल्ड मर्चेण्ट इन्भेष्टमेण्टको साथ

कर्पोरेट बजार

गृहपृष्ठ
कर्पोरेट बजार

जलवायु परिवर्तनको कार्यक्रममा वर्ल्ड मर्चेण्ट इन्भेष्टमेण्टको साथ

क्यापिटल नेपाल मंगलबार, वैशाख ३०, २०८२

काठमाडौं। लगानी कम्पनी वर्ल्ड मर्चेण्ट इन्भेष्टमेण्टले रोटरी क्लब अफ काठमाडौं मिड-टाउनले आयोजना गर्न लागेको जलवायु परिवर्तनसम्बन्धि कार्यक्रममा सहकार्य गरेको छ।

जलवायु परिवर्तन प्रभाव देखाउन र प्रभावित क्षेत्रलाई सहयोग गर्ने उद्देश्यसहित आयोजना गरेको च्यारिटी डिनर कार्यक्रममा कम्पनीले सहकार्य गरेको छ। पछिल्लो जलवायु समस्या बढ्दै गएको र यो जलवायुको मात्र नभई मानवताको मुद्दा भएको वर्ल्ड मर्चेण्ट इन्भेष्टमेण्टका अध्यक्ष बासुदेव गौतमले बताए।

‘यो केवल जलवायुको समस्या होइन। यो मानवताको मुद्दा हो,’ उनले भने, ‘हामी त्यस्तो विकासमा विश्वास गर्छौं, जसले मानिस र प्रकृति दुवैलाई समेट्छ। त्यसैले हामी रोटरी मिड-टाउनसँग अर्थपूर्ण कार्यक्रममा सहकार्य गरेका हौँ।’

रोटरी क्लब अफ काठमाडौं मिड-टाउनले च्यारिटी स्वरूप सोल्टी होटलमा जेठ ११ गते हुने ‘एन इभनिङ फर द गुड अर्थ’ कार्यक्रम गर्दै छ। उक्त कार्यक्रममा संकलन भएको रकम जलवायु कार्यक्रम र जनचेतना अभिवृद्धि परियोजनामा खर्च गरिने छ।

प्रकाशित मिति: मंगलबार, वैशाख ३०, २०८२ १५:४०

प्रतिक्रिया दिनुहोस्