अमेजन, गुगलसहित १८ कम्पनी दर्ता, नेपाललाई तिरे ४१ करोड कर

प्रविधि

गृहपृष्ठ
प्रविधि

अमेजन, गुगलसहित १८ कम्पनी दर्ता, नेपाललाई तिरे ४१ करोड कर

क्यापिटल नेपालबिहीबार, जेठ १, २०८२

काठमाडौं। नेपालमा गुगल, मेटा (फेसबुक, ह्वाट्एप्स, भाइबर), लिंक्डइन, माइक्रोसफ्ट, अमेजनलगायत १८ कम्पनी दर्ता भएर कर भुक्तानी गरेका छन्। यी कम्पनीले आर्थिक वर्ष २०८०/८१ मा ४१ करोड ७ लाखभन्दा बढी कर भुक्तानी गरेका हुन्।

महालेखा परीक्षकको ६२औँ वार्षिक प्रतिवेदनअनुसार दुई आर्थिक वर्षमा ठूला करदाता कार्यालयमा यी कम्पनीले कर दाखिल गरेका हुन्। विद्युतीय सेवामा कर आर्थिक ऐन, २०७९ को दफा २० मा गैरबासिन्दा व्यक्तिले नेपालका उपभोक्तालाई उपलब्ध गराएको विद्युतीय सेवाको कारोबार मूल्यमा २ प्रतिशत कर लगाउने व्यवस्था छ।

ठूला करदाता कार्यालयबाट प्राप्त विवरण अनुसार २०८०/८१ सम्म गुगल, मेटा, लिंक्डइन, माइक्रोसफ्ट, अमेजनसहित १८ कम्पनी दर्ता भएका छन्। जसबाट २०७९/८० मा मूल्य अभिवृद्धि करसमेत १० करोड ८४ लाख कर तिरेका छन्।