अमेरिकी राष्ट्रपति ट्रम्पले भने- पुटिन पागल

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकी राष्ट्रपति ट्रम्पले भने- पुटिन पागल

क्यापिटल नेपाल सोमबार, जेठ १२, २०८२

काठमाडौं। अमेरिकी राष्ट्रपति डोनाल्ड ट्रम्पले रुसका समकक्षी भ्लादमिर पुटिनलाई पागलको संज्ञा दिएका छन्। युक्रेनमा तीन वर्षदेखि आक्रमण गरिरहेको रुसले हालसम्मकै ठूलो हमला गरेपछि ट्रम्पले पुटिनलाई पागल भनेका हुन्।

‘उनलाई के भयो र? धेरै मानिस मारिरहेका छन्। सैनिक मात्र मर्नु नभई युक्रेनका विभिन्न सहरमा मिसाइ, ड्रोन आक्रमण गरेर सर्वसाधारण मारिरहेकाले मलाई लाग्छ, पुटिन पागल भइसके। युक्रेनमाथि आक्रमण गरेर उसलाई पूरै नियन्त्रणमा लिने पुटिन प्रयासले रुसका लागि विनास निम्ताउनेछ’, ट्रम्पले भने।

आइतबार राती रुसले युक्रेनमा ३६७ ड्रोन र मिसाइल प्रहार गर्दा १८ जनाको मृत्यु हुनुका साथै दर्जनौं घाइते भएका छन्। यसअघि युक्रेनी राष्ट्रपति भ्लोदिमिर जेलेन्स्कीले हालैका रुसी आक्रमणमा अमेरिकाको मौनताले ‘मौनताले पुटिनलाई प्रोत्साहन गरिरहेको र मस्कोमाथि कडा दबाबका साथै थप प्रतिबन्ध लगाउन आग्रह गरेका थिए।

आज बिहानै युक्रेनका धेरै क्षेत्रमा ड्रोन र मिसाइल आक्रमणको चेतावनी दिने हवाई साइरन बजेका थिए। आइतबार राती न्यूजर्सीमा पत्रकारसँग कुरा गर्दै ट्रम्पले पुटिनबारे भने, ‘मैले उनलाई लामो समयदेखि चिनेको छु। सधैं उनीसँग राम्रो सम्बन्ध थियो तर। उनले सहरमा रकेट पठाइरहेका छन् र मानिसलाई मारिरहेका छन्।’

रुसमाथि अमेरिकी प्रतिबन्ध बढाउने विचार गरिरहेको ट्रम्पले जानकारी दिए। गत साता ट्रम्प र पुटिनबीच युद्ध रोक्न अमेरिकी प्रस्तावित युद्धविराम सम्झौताबारे दुई घन्टा टेलिफोन वार्ता भएको थियो। तर, पुटिनले अमेरिकी प्रस्ताव लत्याएर युक्रेनमाथि आक्रमण गरिरहेका छन्।-एजेन्सी

प्रकाशित मिति: सोमबार, जेठ १२, २०८२ १०:५५

प्रतिक्रिया दिनुहोस्