नेप्से पुनर्संरचनाकाे फाइल पठाइसकियाे, अब नयाँ नेप्से प्रक्रिया अघि बढाउन सरकार तयार

सेयर

गृहपृष्ठ
सेयर

नेप्से पुनर्संरचनाकाे फाइल पठाइसकियाे, अब नयाँ नेप्से प्रक्रिया अघि बढाउन सरकार तयार

क्यापिटल नेपालशुक्रबार, जेठ २३, २०८२

काठमाडौं । नेपाल धितोपत्र बोर्डले सिवाकोटी समितिको प्रतिवेदन सार्वजनिक गरी कार्यान्वयनमा लैजाने भएको छ ।

बोर्डको सञ्चालक समिति बैठकले सो प्रतिवेदन सार्वजनिक गरी कार्यान्वयनमा लैजाने निर्णय गरेको एक सदस्यले जानकारी दिए । राष्ट्र बैंक सञ्चालक समिति सदस्य चिन्तामणि सिवाकोटीको नेतृत्वमा गठित पूँजी बजार सुधार सुझाव समितिको प्रतिवेदनलाई कार्यान्वयनमा लैजान अर्थ मन्त्रालयले भनेसँगै बोर्डले सो निर्णय गरेको हो ।

प्रतिवेदनअनुसार नेपाल स्टक एक्स्चेन्जको पुनर्संरचना गर्ने कार्य र नयाँ स्टक एक्स्चेन्जलाई लाइसेन्स दिने कार्य सँगसँगै अघि बढाउनुपर्नेछ । सोहीअनुसार स्टक एक्स्चेन्जलाई बोर्डले पुनर्संरचनाका लागि पत्र पठाइसकेको छ । ‘केही दिनमै समितिको प्रतिवेदन बोर्डको वेबसाइटमार्फत सार्वजनिक गरिनेछ, यसलाई लुकाउनुपर्ने कुनै कारण छैन’ बोर्डका ती सदस्यले भने ।

नयाँ स्टक एक्स्चेन्ज सञ्चालनका सम्बन्धमा कार्ययोजना तयार भएको छ । स्रोतका अनुसार यसअघि आवेदन परेका तीन स्टक एक्स्चेन्जको अब मूल्यांकन कार्य पनि अघि बढ्नेछ । हिमालयन स्टक एक्स्चेन्ज, नेसनल स्टक एक्स्चेन्ज र अन्नपूर्ण स्टक एक्स्चेन्जले लाइसेन्सका लागि आवेदन दिएका छन् ।

त्यस्तै नेप्से पुनर्संरचनाका लागि पनि प्रक्रिया अघि बढाइएको बोर्डले जनाएको छ । ‘नेप्सेले गर्नुपर्ने काम अघि बढाउ भनेर नेप्सेलाई पत्र पठाएका छौं, सरकारले गर्नुपर्ने काम पनि सुझाव दिएका छौं, बोर्डले गर्नुपर्ने काम पनि अघि बढाइरहेको छ’ स्रोतले भन्यो ।

प्रकाशित मिति: शुक्रबार, जेठ २३, २०८२ १४:४१

प्रतिक्रिया दिनुहोस्