आईपीओ निष्काशनका लागि माछापुच्छ्रे क्यापिटल र नर्थ समिट हाइड्रोबीच सम्झौता

सेयर

गृहपृष्ठ
सेयर

आईपीओ निष्काशनका लागि माछापुच्छ्रे क्यापिटल र नर्थ समिट हाइड्रोबीच सम्झौता

क्यापिटल नेपालशुक्रबार, जेठ २३, २०८२

काठमाडौं। नर्थ समिट हाइड्रोले आफ्नो प्राथमिक सेयर (आईपीओ) निष्काशनका लागि माछापुच्छ्रे क्यापिटल लिमिटेडसँग सम्झौता गरेको छ। शुक्रबार आयोजित एक समारोहकाबीच दुवै कम्पनीबीच सम्झौता पत्रमा हस्ताक्षर भएको हो।

माछापुच्छ्रे क्यापिटलका प्रमुख कार्यकारी अधिकृत उपेन्द्र मालाकार र नर्थ समिट हाइड्रो प्रबन्ध सञ्चालक बालेन्द्र क्षेत्रीले सम्झौतामा हस्ताक्षर गरेका हुन्।

सम्झौताअनुसार माछापुच्छ्रे क्यापिटलले संस्थागत परामर्श सेवाका साथै निष्काशन तथा बिक्री प्रबन्ध सेवा प्रदान गर्नेछ। नर्थ समिट हाइड्रो लिमिटेडले १०० अंकित मूल्यमा कुल ३८ लाख ४० हजार कित्ता साधारण सेयर सर्वसाधारणमा निष्काशन गर्दै छ। जसको कुल मूल्य ३८ करोड ४० लाख रहेको छ।

नर्थ समिट हाइड्रोले लमजुङ जिल्लाको मर्स्याङ्दी गाउँपालिकामा पर्ने न्यादी र फिदी खोलाको बहाव उपयोग गरी २१.४ मेगावाट क्षमताको न्यादी फिदी जलविद्युत आयोजना निर्माण गरिरहेको छ।

प्रकाशित मिति: शुक्रबार, जेठ २३, २०८२ १५:५६

प्रतिक्रिया दिनुहोस्