वडा कार्यालयका लागि निःशुल्क जग्गा प्रदान

समाज

गृहपृष्ठ
समाज

वडा कार्यालयका लागि निःशुल्क जग्गा प्रदान

क्यापिटल नेपालबिहीबार, जेठ २९, २०८२

भोजपुर। भोजपुर नगरपालिका १ हेलौछाको वडा कार्यालय भवन निर्माणका लागि स्थानीयले तीन रोपनी जग्गा दान गरेका छन्। बाबुआमाको नाममा स्थानीय वीरबहादुर तामाङले वडा कार्यालयका लागि जग्गा प्रदान गरेका हुन्।

वडा कार्यालयको काम अहिले भाडाको घरबाट सञ्चालनमा रहँदै आएको छ। वडा कार्यालयको काममा सहजता होस् भन्ने उद्देश्यका साथ तामाङले जग्गा उपलब्ध गराएको पूर्ववडाध्यक्ष विष्णुकुमार भुजेलले बताए।

भुजेलका अनुसार वीरबहादुरले बाबु धनमान तामाङ र आमा राममाया तामाङको नाममा करिब १५ लाख बराबरको जग्गा वडा कार्यालयलाई प्रदान गरेका हुन्।

जग्गा प्राप्तिसँगै भवन निर्माणको कामअघि बढाइने वडा कार्यालयले जनाएको छ। आफ्नै भवन नहुँदा वडा कार्यालय हाल भाडाको कोठाबाट सञ्चालित छ। जग्गा दाताले दिएको जग्गामा बजेटको व्यवस्थापन गरी भवन बनाउने तयारी वडाले गरेको छ।

प्रकाशित मिति: बिहीबार, जेठ २९, २०८२ २१:१२

प्रतिक्रिया दिनुहोस्