विदेश रोजगारीमा जाने नेपाली श्रमिकको स्वास्थ्य परीक्षणमा नयाँ मापदण्ड

रोजगार

गृहपृष्ठ
रोजगार

विदेश रोजगारीमा जाने नेपाली श्रमिकको स्वास्थ्य परीक्षणमा नयाँ मापदण्ड

क्यापिटल नेपालशुक्रबार, जेठ ३०, २०८२

काठमाडौं। श्रम, रोजगार तथा सामाजिक सुरक्षा मन्त्रालयले वैदेशिक रोजगारीमा जाने नेपाली श्रमिकको स्वास्थ्य परीक्षणका लागि नयाँ मापदण्ड जारी गरेको छ।

मन्त्रालयले वैदेशिक रोजगारीमा जाने श्रमिकको स्वास्थ्य परीक्षणमा लापर्वाही हुने गरेको जनगुनासोपछि स्वास्थ्य परीक्षणसम्बन्धी नयाँ कार्यविधि जारी गरेको हो। कार्यविधिमा वैदेशिक रोजगारीमा जाने हरेक श्रमिकका लागि अनिवार्य गर्नुपर्ने स्वास्थ्य परीक्षण र प्रयोगशाला परीक्षणको विस्तृत सूची समावेश गरिएको मन्त्रालयले जनाएको छ।

जेठ २३ मा वैदेशिक रोजगार नियमावलीअनुसार गठित विशेषज्ञ समिति बैठकको निर्णयबमोजिम मन्त्रीस्तरीय निर्णयले वैदेशिक रोजगारमा जाने श्रमिकको स्वास्थ्य परीक्षण गर्ने संस्था, सूचीकरण, नवीकरण तथा अनुगमनसम्बन्धी कार्यविधिलाई संशोधन गरिएको हो।