‘उच्चस्तरीय आर्थिक सुधार सुझाव आयोगको प्रतिवेदनलाई समेटिएको यो नै पहिलो बजेट’

अर्थतन्त्र

गृहपृष्ठ
अर्थतन्त्र

‘उच्चस्तरीय आर्थिक सुधार सुझाव आयोगको प्रतिवेदनलाई समेटिएको यो नै पहिलो बजेट’

क्यापिटल नेपालशुक्रबार, जेठ ३०, २०८२

काठमाडौं। राष्ट्रिय योजना आयोगका उपाध्यक्ष प्राडा शिवराज अधिकारीले सरकारले बजेटमा उच्चस्तरीय आर्थिक सुधार सुझाव आयोगको प्रतिवेदनलाई उच्च प्राथमिकता दिएको बताएका छन्।

शुक्रबार नेपाल विद्यावारिधी संघ (नेपाल पीएचडी एसोसिएसन) को आयोजनामा राष्ट्रिय बजेट २०८२/२०८३ को सन्दर्भमा आयोजित नेपालको आर्थिक सुधारका लागि अवसर र चुनौती विषयक छलफल कार्यक्रममा आयोगका उपाध्यक्ष प्राडा अधिकारीले आर्थिक सुधार सुझाव आयोगको प्रतिवेदनले सुझाएका धेरै विषयहरु समेटिएको यो नै पहिलो बजेट भएको बताए।

उपाध्यक्ष अधिकारीले एउटा बजेटमा सबै कुरा समेट्ने प्रयास हुँदाहुँदै पनि नसकिएको र केही कुराहरु छुट्न गएको समेत प्रष्ट पारे। उनले प्रतिवेदनले औँल्याएका सुझावहरु केन्द्रलेमात्र नभएर प्रदेश र स्थानीय तहहरुले ल्याउने बजेटमा समेत कार्यान्वयन हुँदै जाने उल्लेख गरे। उनले प्रतिवेदनले धेरै कुरा बोल्ने भएकाले केही कन्फुयजन भए त्यसलाई समेत दुर गर्ने बताए।

यो नै कार्यान्वयनमा गएको पहिलो प्रतिवेदन भएकाले सरकार, निजी क्षेत्र एवं समाजले पनि राम्रोसँग स्वीकार गरेको र आ–आफ्नो क्षेत्रबाट कार्यान्वयन गर्न सकिने खालको रहेको उपाध्यक्ष अधिकारीको भनाइ छ। उनले स्रोत अनुसारको बजेट निर्माण नगरी खर्च अनुसारको बजेट निर्माण गरिएको र बजेटलाई वास्तविक बनाइएको बताए।

प्रकाशित मिति: शुक्रबार, जेठ ३०, २०८२ २१:१०

प्रतिक्रिया दिनुहोस्