बैंकिङ

भुक्तानी सेवा प्रदायक पेवेल नेपाल र सजिलो पे पेमेन्टकाे अनुमतिपत्र खारेज

क्यापिटल नेपालबिहीबार, असार ५, २०८२

काठमाडाैं। नेपाल राष्ट्र बैंकले भुक्तानी सेवा प्रदायक पेवेल नेपाल र सजिलो पे पेमेन्टकाे अनुमतिपत्र खारेज गरेकाे छ।

आज एक सूचना जारी गर्दै राष्ट्र बैंकले पेवेल नेपाल र सजिलो पे पेमेन्ट सर्भिसेजलाई प्रदान भएको भुक्तानी सेवा प्रदायकको अनुमतिपत्र खारेज गरिएको जानकारी दिएकाे छ।

पेवेल नेपाल (अनुमतिपत्र जारी मिति २०७७/०६/११) र सजिलो पे पेमेन्ट (अनुमतिपत्र जारी मिति २०७७/१२/१७)ले भुक्तानी तथा फर्यौट ऐन २०७५, भुक्तानी तथा फछ्यौट विनियमावली २०७७, भुक्तानी प्रणालीसम्बन्धी एकीकृत निर्देशन २०८१ तथा सम्पत्ति शुद्धीकरण (मनी लाउन्डरिङ्ग) निवारण ऐन २०६४ का विभिन्न प्रावधान उल्लंघन गरेको राष्ट्र बैंकले बताएकाे छ।

साेही कारण राष्ट्र बैंकको सञ्चालक समितिले बिहीबार गरेकाे निर्णयानुसार भुक्तानी तथा फछ्यौट ऐन २०७५ को दफा ३५ को उपदफा (१) को खण्ड (च) को व्यवस्थाअनुसार उक्त संस्थाहरूको अनुमतिपत्र खारेज गरेकाे हाे।

508451088_1495437061819876_8838559212291994023_n-(2)-1750341347.png