११ महिनामा २६ अर्ब ३३ करोड बढीका स्मार्टफोन आयात

अर्थतन्त्र

गृहपृष्ठ
अर्थतन्त्र

११ महिनामा २६ अर्ब ३३ करोड बढीका स्मार्टफोन आयात

क्यापिटल नेपालशुक्रबार, असार ६, २०८२

काठमाडौं। चालू आर्थिक वर्षको ११ महिनामा नेपालमा २६ अर्ब ३३ करोड बढीको स्मार्टफोन आयात भएको छ। भन्सार विभागले आज सार्वजनिक गरेको वैदेशिक व्यापारको तथ्यांकअनुसार चालू आर्थिक वर्षको जेठ महिनासम्म नेपालमा २६ अर्ब ३३ करोड १० लाख ६५ हजार रुपैयाँ बराबरको स्मार्टफोन आयात भएकाे हाे।

यो गत वर्षको सोही अवधिको तुलनामा ५ अर्ब ७६ करोडले ५७ लाख ३६ हजारले कमी हो। गत वर्ष सोही अवधिमा ३२ अर्ब ८ करोड ६ लाख ७८ हजार बढीको स्मार्टफोन आयात भएको थियो।

यस्तै, साेही अवधिमा ६ करोड ५२ लाख २८ हजार बढी मूल्यका मोबाइल फोन चार्जर आयात भएको छ। फोनजन्य वस्तुहरू मोबाइल फोन चार्जर, कर्डलेस ह्यान्डसेटसहितको लाइन टेलिफोन सेट, स्मार्टफोनहरू, सेलुलर नेटवर्क वा अन्य वायरलेस नेटवर्कका लागि प्रयोग हुने अन्य टेलिफोनहरू र अन्य टेलिफोन सेटहरू २८ अर्ब ३९ करोड ८३ लाख २५ हजार रूपैयाँ बराबरका ७५ लाख ५१ हजार ७२० थान नेपाल भित्रिएका छन्। गत वर्ष यस्ता वस्तु आयात बापत ३४ अर्ब ३ करोड ८६ लाख ७४ हजार बढी रूपैयाँ बाहिरिएको थियो।

प्रकाशित मिति: शुक्रबार, असार ६, २०८२ १६:११

प्रतिक्रिया दिनुहोस्