एनसेलको नयाँ नम्बर रेन्ज ९७१ बाट सुरु हुने

प्रविधि

गृहपृष्ठ
प्रविधि

एनसेलको नयाँ नम्बर रेन्ज ९७१ बाट सुरु हुने

क्यापिटल नेपाल बुधबार, असार १८, २०८२

काठमाडौं। मोबाइल सेवाप्रदायक कम्पनी एनसेलले उपभोक्ता सुविधाका लागि नयाँ ९७१ रेन्जबाट सुरु हुने मोबाइल नम्बर उपलब्ध गराउने भएको छ। कम्पनीले साउन दोस्रो सातादेखि नयाँ सिम वितरण सुरु गरिने जानकारी दिएको हो।
नेपाल दूरसञ्चार प्राधिकरणले गत जेठ १४ मा यो ९७१ रेन्जका नम्बर वितरण गर्न अनुमति दिएको एनसेलले बताएको छ। प्राधिकरणद्वारा एनसेललाई जारी नम्बर रेन्ज ९८०, ९८१, ९८२, ९७० मार्फत सेवाग्राहीका लागि सेवा उपलब्ध गराउन मोबाइल नम्बर अपुग भएकोले नयाँ नम्बर रेन्ज अनमुति दिइएको हो।

यो नयाँ नम्बर रेन्ज प्राधिकरणको राष्ट्रिय नम्बरिङ वितरण योजना (नेसनल नम्बरिङ अलोकेसन प्लान)को नियमअनुरुप जारी भएको हो। वान टाइम पासवर्ड (ओटीपी) लिन मोबाइल एप र वेबमा आधारित सेवाका लागि साइन अपलगायत विभिन्न डिजिटल कारोबार गर्दा मोबाइल नम्बर आवश्यक पर्छ।

विभिन्न सेवाप्रदायक कम्पनी, सरकारी तथा गैरसरकारी संस्था, कार्यालय, बैंक तथा वित्तीय संस्थालाई नयाँ नम्बर रेन्जलाई हाल सञ्चालनमा रहेका अन्य रेन्जसरह ग्राहक सेवाका लागि आ–आफ्नो प्रणालीमा इन्ट्रिगेट÷अपडेट गर्न एनसेलको आग्रह छ।

प्रकाशित मिति: बुधबार, असार १८, २०८२ ०७:१७