चेम्बर र मलेसिया नेपाल बिजनेश काउन्सिलबीच व्यापार साझेदारीबारे छलफल

अर्थतन्त्र

गृहपृष्ठ
अर्थतन्त्र

चेम्बर र मलेसिया नेपाल बिजनेश काउन्सिलबीच व्यापार साझेदारीबारे छलफल

क्यापिटल नेपाल बुधबार, असार १८, २०८२

काठमाडौं। नेपाल भ्रमणमा आज आएको मलेसिया नेपाल बिजनेश काउन्सिलले व्यापार सहजीकरण एवं लगानी अभिवृद्धिबारे नेपाल चेम्बर अफ कमर्स एनसीसीसँग छलफल गरेको छ।

जमलस्थित चेम्बर भवनमा आयोजित कार्यक्रममा अध्यक्ष कमलेश कुमार अग्रवालसहितको पदाधिकारी टोली र मलेसिया नेपाल बिजनेश काउन्सिलको प्रतिनिधिमण्डलबीच दुई मुलुकबीचको आर्थिक सम्बन्ध, रोजगारी अभिवृद्धि, थप लगानी विस्तारलगायतका विषयमा सहकार्य गर्नेबारे छलफल भएको हो।

मलेसिया नेपाल बिजनेश काउन्सिलका अध्यक्ष प्रदिप कुमार कुकरेजासहितको टोलीले नेपाल भ्रमणका क्रममा चेम्बर पदाधिकारीसमक्ष दुईपक्षीय लगानी तथा व्यापार साझेदारीबारे प्रस्ताव राखेका थिए।

चेम्बर अध्यक्ष अग्रवालले नेपाल र मलेशियाबीचको कुटनीतिक सम्बन्ध ६५ वर्षभन्दा पुरानो रहेको स्मरण गर्दै व्यापार, लगानी अभिवृद्धि तथा रोजगारीको दृष्टिकोणले समेत उत्कृष्ट रहेको बताए।

नेपालबाट मलेसियामा ५ लाखभन्दा बढी युवाहरुले रोजगारी पाइरहेको र दुई मलुकबीच सबैभन्दा धेरै हवाइ सम्पर्क विस्तार भइरहेको अध्यक्ष अग्रवालकाे भनाइ छ। नेपाली युवा जनशक्तिले दुवै देशको अर्थतन्त्रमा महत्वपुर्ण योगदान गरेको अध्यक्ष अग्रवालले बताए।

चेम्बर पदाधिकारीहरुसँगको भेटमा मलेसिया नेपाल बिजनेश काउन्सिलका अध्यक्ष करेजाले नेपालको पर्यटकीय क्षेत्रले आफूलाई आर्कषित गरेको बताए। उनले नेपालमा लगानीको सम्भावना देखेर नै आफूहरु आएको र व्यवसायिक वातावरण बनाउनका लागि चेम्बरसँग सहकार्य गर्न लागेको बताए।

प्रकाशित मिति: बुधबार, असार १८, २०८२ १७:५९

प्रतिक्रिया दिनुहोस्