गरिमा विकास बैंकद्वारा बरपीपल वृक्षारोपण

कर्पोरेट बजार

गृहपृष्ठ
कर्पोरेट बजार

गरिमा विकास बैंकद्वारा बरपीपल वृक्षारोपण

क्यापिटल नेपाल बुधबार, असार २५, २०८२

काठमाडौं। गरिमा विकास बैंकले हरिशयनी एकादशी अवसरमा देशका विभिन्न ६ स्थानमा धार्मिक र वातावरणीय दृष्टिकोणले विशेष महत्त्व राख्ने बर–पीपलका बिरुवा रोपण गरेको छ।

बैंकले संस्थागत सामाजिक उत्तरदायित्वअन्तर्गत कास्कीको खोरपाथेडाँडा र तुलसीघाट, स्याङ्जाको गह्रौंकालिका मन्दिर परिसर, शितलटार पार्क चापाकोट र छायाक्षेत्र शिवमन्दिर परिसर तथा दाङको मोतिपुर पुल क्षेत्रमा बरपीपल वृक्षारोपण गरेको हो।

कार्यक्रममा बैंकका अध्यक्ष, पूर्वअध्यक्ष, स्थानीय जनप्रतिनिधि, समाजसेवी, कर्मचारीलगायत सर्वसाधारण सहभागी थिए।

यस्ता कार्यक्रमले वातावरण संरक्षण, हरित विकासको प्रवर्द्धनका साथै धार्मिक सम्पदा संरक्षणमा सहयोग गर्ने भावी पुस्तालाई स्वच्छ वातावरण हस्तान्तरणमा महत्त्वपूर्ण योगदान पुग्ने बैंकको विश्वास छ।

वृक्षारोपण गरिएको क्षेत्रलाई आगामी दिनमा बरपीपल चौतारीको रुपमा विकास तथा संरक्षण गर्ने लक्ष्य रहेको बैंकले जनाएको छ।

प्रकाशित मिति: बुधबार, असार २५, २०८२ ११:३७

प्रतिक्रिया दिनुहोस्