इनड्राइभद्वारा बाढी र पहिरो पीडितलाई घर हस्तान्तरण

कर्पोरेट बजार

गृहपृष्ठ
कर्पोरेट बजार

इनड्राइभद्वारा बाढी र पहिरो पीडितलाई घर हस्तान्तरण

क्यापिटल नेपाल मंगलबार, साउन ६, २०८२

काठमाडौं। विश्वव्यापी मोबिलिटी एण्ड अर्बान सर्भिस प्लेटफर्म, इनड्राइभले बाढी र पहिरोबाट विस्थापित परिवारका लागि तयार पारिएका दिगो प्रकृतिका नयाँ घरहरूको साँचो आधिकारिक रूपमा हस्तान्तरण गरेको छ।

यस पहलअन्तर्गत इनड्राइभले राष्ट्रिय विपद् व्यवस्थापन केन्द्रसँगको सहकार्यमा निर्माण गरिएका पाँच ओटा घरको साँचो सम्बन्धित परिवारलाई औपचारिक रूपमा हस्तान्तरण गरेको हो। साथै, यस अभियानमा, प्रभावित भएका घरपरिवारलाई अत्यावश्यक सामग्रीहरूको वितरण पनि गरिएको छ।

नवनिर्मित घरहरू बाढी र पहिरो पीडितहरूको विशिष्ट आवश्यकतालाई सम्बोधन गर्न स्थानीय समुदायसँगको परामर्शमा तयार गरिएको हो। बाँस र माटो प्रयोग गरेर निर्माण गरिएका घरहरूले दिगोपन र सांस्कृतिक प्रासंगिकता दुवैप्रति प्रतिबद्धता दर्शाउँछ। जसले परिवारलाई स्थानीय परिस्थितिको सामना गर्न डिजाइन गरिएको टिकाउ र वातावरणीय रूपमा उपयुक्त संरचनाहरू प्रदान गर्दछ।

इनड्राइभका एपीएसी कम्युनिकेसन लिड पवित नन्दा आनन्दले भनिन्, ‘इनड्राइभमा हाम्रो मिसन केवल राइड सर्भिसमा मात्र सीमित छैन। यो दीर्घकालीन, सार्थक, अर्थपूर्ण र दिगो परिवर्तन सिर्जना गर्ने यात्रासँग सम्बन्धित छ। यो सहकार्यमार्फत हामी केवल बसोबासको व्यवस्था मात्र गरिरहेका छैनौं, बाढी र पहिरोबाट सबैथोक गुमाएका परिवारहरूमा स्थिरता, सम्मान र आशाको पुनःस्थापना गरिरहेका छौँ। हामी उनीहरूलाई आफ्नो भविष्य पुनर्निर्माण गर्ने यात्रामा स्वतन्त्र निर्णय लिने अधिकार र नयाँ आत्मविश्वासका साथ सँगै उभिन पाउँदा गर्व गर्छौं। इनड्राइभले सदैव समुदाय केन्द्रित दृष्टिकोणलाई प्राथमिकता दिँदै आएको छ। इनड्राइभ यस्तै साझेदारीहरू मार्फत समावेशी, सुरक्षित र सशक्त समुदाय निर्माण गर्न कटिबद्ध रहेको छ।'

प्रकाशित मिति: मंगलबार, साउन ६, २०८२ १९:५७

प्रतिक्रिया दिनुहोस्