माबिलुङ इनर्जीले आईपीओ निष्कासन गर्ने

सेयर

गृहपृष्ठ
सेयर

माबिलुङ इनर्जीले आईपीओ निष्कासन गर्ने

क्यापिटल नेपाल सोमबार, साउन १९, २०८२

काठमाडौं। माबिलुङ इनर्जीले साउन २६ देखि सर्वसाधारणलाई आईपीओ बिक्री खुलाउने भएको छ।

कम्पनीले आयोजना प्रभावित स्थानीय र वैदेशिक रोजगारीमा रहेका नेपालीलाई आईपीओ बाँडफाँट गरेसँगै सर्वसाधारणलाई खुलाउने भएको हो।

कम्पनीले प्रतिकित्ता १०० रुपैयाँ मूल्यका कुल १८ लाख ९० हजार ५३० कित्ता आईपीओ निष्कासन गर्न नेपाल धितोपत्र बोर्डबाट अनुमति पाएको छ।

यसमध्ये पहिलो चरणमा आयोजना प्रभावित स्थानीयका लागि ३ लाख ८५ हजार ८२४ कित्ता र वैदेशिक रोजगारीमा रहेका नेपालीका लागि १ लाख ५० हजार ४७१ कित्ता आईपीओ निष्कासन गरी बाँडफाँटसमेत गरिसकेको छ।

कम्पनीले बाँकी १३ लाख ५४ हजार २३५ कित्तामध्ये सामूहिक लगानी कोषलाई ७५ हजार २३६ कित्ता र कम्पनीमा कार्यरत कर्मचारीका लागि ३० हजार ९५ कित्ता सुरक्षित गरी बाँकी १२ लाख ४८ हजार ९०४ कित्ता सर्वसाधारणका लागि निष्कासन गर्नेछ।

आईपीओमा न्यूनतम १० देखि अधिकतम ५० हजार कित्तासम्म आवेदन दिन सकिनेछ।

प्रकाशित मिति: सोमबार, साउन १९, २०८२ ०७:०५