साताको अन्तिम कारोबार दिन सेयर बजार बढेर बन्द

सेयर

गृहपृष्ठ
सेयर

साताको अन्तिम कारोबार दिन सेयर बजार बढेर बन्द

क्यापिटल नेपाल बिहीबार, साउन २२, २०८२

काठमाडौं। साताको अन्तिम कारोबार दिन बिहीबार सेयर बजार परिसूचक नेपाल स्टक एक्सचेञ्ज (नेप्से) बढेर बन्द भएको छ।

यसअघिका कारोबार दिनहरूमा गिरावट आएको सेयर बजार साताको अन्तिम कारोबार दिन आज १८ अंकले बढ्दै २८५० अंकमा पुगेर बन्द भएको हो। बुधबार सेयर बजार २ अंकले गिरावट भएको थियो।

आज कारोबार रकममा पनि केही मात्रामा वृद्धि भएको छ। बुधबार ७ अर्ब ६३ करोड बराबरको सेयर कारोबार हुँदा बिहीबार ८ अर्ब ५३ करोड बराबरको सेयर कारोबार भएको हो।

सेयर बजारमा आज १८७ कम्पनीको मूल्य बढ्दा ६२ कम्पनीको सेयर मूल्यमा गिरावट आएको छ।

यता, आज सिक्लेस हाइड्रोपावर र बरुण हाइड्रोपावर कम्पनीको सेयर मूल्यमा सकारात्मक सर्किट लागेको छ। आज उन्नत्ति सहकार्य लघुवित्त वित्तीय संस्था लिमिटेडको सेयर सबैभन्दा बढी ९ प्रतिशतले गिरावट आएको छ।

प्रकाशित मिति: बिहीबार, साउन २२, २०८२ १५:२३