होटल उद्योगमा २५ अर्ब क्षति, २ हजार कामदार प्रभावित

पर्यटन

गृहपृष्ठ
पर्यटन

होटल उद्योगमा २५ अर्ब क्षति, २ हजार कामदार प्रभावित

क्यापिटल नेपाल शुक्रबार, भदौ २७, २०८२

काठमाडौं। जेनजी आन्दोलनपछिका हिंसात्मक गतिविधिले होटल उद्योगमा ठूलो क्षति पुर्याएको नेपाल होटल संघ (हान) ले जनाएको छ।

सोमबारको आन्दोलनपछि विरोधमा उत्रिएको समूहले देशभरका होटल, रिसोर्ट, लज एवं रेस्टुरेन्टमा तोडफोड र आगजनी गर्दा कम्तीमा २५ अर्ब रुपैयाँ बराबरको सम्पत्ति नोक्सानी भएको प्रारम्भिक तथ्यांक हानले सार्वजनिक गरेको हो।

हानका अनुसार सबैभन्दा बढी क्षति काठमाडौं र पोखराका होटल व्यवसायमा पुगेको छ। त्यस्तै भैरहवा, बुटवल, धनगढी, झापा, दाङ र बर्दिबासलगायतका क्षेत्रमा समेत होटल उद्योग प्रभावित भएका छन्।

प्रारम्भिक विवरणअनुसार क्षति पुगेका होटलमध्ये करिब ६० प्रतिशतले बिमाबाट आंशिक क्षतिपूर्ति पाउने सम्भावना रहेको संघको भनाइ छ।

आगजनी र तोडफोडका कारण करिब २ हजारभन्दा बढी कामदार प्रत्यक्ष प्रभावित भएको संघले जनाएको छ। प्रभावित होटल आगामी पर्यटन सिजनमा सञ्चालनमा आउन नसक्ने अवस्था देखिएको हानको भनाइ छ।

प्रकाशित मिति: शुक्रबार, भदौ २७, २०८२ १२:४३

प्रतिक्रिया दिनुहोस्