अन्तरिम प्रधानमन्त्रीको पहिलो मन्त्रिपरिषद् विस्तार, तीन मन्त्रीले लिए शपथ

राजनीति

गृहपृष्ठ
राजनीति

अन्तरिम प्रधानमन्त्रीको पहिलो मन्त्रिपरिषद् विस्तार, तीन मन्त्रीले लिए शपथ

क्यापिटल नेपाल सोमबार, भदौ ३०, २०८२

काठमाडौं। जेनजी आन्दोलनपछि सुशीला कार्कीको नेतृत्वमा गठन गरिएको सरकारको पहिलो मन्त्रिपरिषद् विस्तार भएको छ।

प्रधानमन्त्री कार्कीको सिफारिसमा नियुक्त भएका तीन मन्त्रीले आज राष्ट्रपति रामचन्द्र पौडेलसमक्ष पद तथा गोपनीयताको शपथ लिएका हुन्।

शीतलनिवास भदौ २४ को जेनजी प्रदर्शनमा आन्दोलनकारीको निशानामा परेको थियो। शीतलनिवासको प्रांगणमा टेन्ट टाँगेर नयाँ मन्त्रीलाई शपथ खुवाइएको हो।

राष्ट्रपति पौडेलले अर्थमन्त्री रामेश्वर खनाल, ऊर्जामन्त्रीको रूपमा कुलमान घिसिङ र गृहमन्त्रीका रूपमा ओमप्रकाश अर्याललाई शपथ खुवाएका हुन्।

राष्ट्रपति पौडेलले अर्थमन्त्री रामेश्वर खनाल, ऊर्जामन्त्रीको रूपमा कुलमान घिसिङ र गृहमन्त्रीका रूपमा ओमप्रकाश अर्याललाई शपथ खुवाएका हुन्।

यीमध्ये अर्थमन्त्री खनाल पूर्वअर्थसचिव हुन् भने अर्याल काठमाडौं महानगरका मेयरका बालेन्द्र शाह बालेनका कानुनी सल्लाहकार र ऊर्जामन्त्री घिसिङ इन्जिनियरिङ क्षेत्रका हुन्। उनले दुई कार्यकाल नेपाल विद्युत् प्राधिकरणको नेतृत्वमा थिए।

आज विस्तार गरिएको मन्त्रिपरिषद्मा गृहमन्त्री अर्यालले कानुन मन्त्रालयको पनि जिम्मेवारी सम्हाल्नेछन् भने घिसिङले भौतिक पूर्वाधार र सहरी विकास मन्त्रालयको पनि जिम्मा पाएका छन्।