बडादसैंको दोस्रो दिनः मान्यजनको हातबाट टीका–जमरा लगाइँदै

समाज

गृहपृष्ठ
समाज

बडादसैंको दोस्रो दिनः मान्यजनको हातबाट टीका–जमरा लगाइँदै

क्यापिटल नेपाल शुक्रबार, असोज १७, २०८२

काठमाडौं। यस वर्षको बडादसैं मुख्य दिन बिहीबार दसैं टीका सम्पन्न भए पनि पाँच दिनसम्म मान्यजनको हातबाट टीका र जमरा ग्रहण गरिँदै छ। बडादसैंको दोस्रो दिन आज मान्यजनबाट टीकाजमरा ग्रहर गर्ने चलन छ।

यद्यपि यो चलन पश्चिम नेपालमा सीमित र ठाउँ र अन्यत्र पाँचै दिन टीकाजमरा लगाउने परम्परा छ। दसैंटीका कोजाग्रत पूर्णिमाको दिनसम्म जारी रहन्छ।

दसैं टीकाको दिन आफन्तजनबाट टीका थाप्न नपाएहरु र टाढा घर भएकाहरु आफन्तकहाँ पुगेर कोजाग्रत पूर्णिमासम्म पुगेर टीका लगाउने र आशीर्वचन ग्रहण गर्ने चलन छ।

बडादसैंमा मूलथलो छाडेर गाउँ फर्किएकाहरु अब क्रमशः काठमाडौं फर्किन्छन्। सोही कारण उपत्यकामा चपहलपहल बढ्न थालेको छ। यो वर्षको दसैंका लागि करिब ६ लाखले काठमाडौं छाडेको ट्राफिक प्रहरीको तथ्यांक छ।

आज पापांकुशा एकादशी पनि परेको छ। यसलाई गिद्दे एकादशी पनि भनिन्छ।। पापांकुशा एकादशीको दिन व्रत, उपासना गर्नाले पापमा अंकुश लाग्ने, पापबाट मोक्ष प्राप्ति हुने जनविश्वास छ।

प्रकाशित मिति: शुक्रबार, असोज १७, २०८२ ०८:१४

प्रतिक्रिया दिनुहोस्