दोदा नदीमा पुल निर्माण ९० प्रतिशत सकियो, आगामी पुसभित्रै सञ्चालनमा आउने

पूर्वाधार

गृहपृष्ठ
पूर्वाधार

दोदा नदीमा पुल निर्माण ९० प्रतिशत सकियो, आगामी पुसभित्रै सञ्चालनमा आउने

क्यापिटल नेपाल बिहीबार, कात्तिक ६, २०८२

कञ्चनपुर। दोदा नदीमा निर्माणाधीन पुलको काम ९० प्रतिशत पूरा भएको छ। सडक डिभिजन कार्यालय महेन्द्रनगरका सूचना अधिकारी हरिशप्रसाद जोशीका अनुसार आगामी पुसभित्र सम्पन्न गर्ने गरी पुल निर्माणको काम भइरहेको हो।

हालसम्म पुलको ‘सुपरस्ट्रक्चर’को कार्य पूरा भएको र अब पुलको दुवै छेउतर्फ पर्खाल निर्माण र माटो भरानको काम भइरहेको उहाँले जानकारी दिए।

पुल निर्माणको कुल लागत अनुमान २४ करोड ७३ लाख ८० हजार रहेकामा लुम्बिनी–राजेन्द्र–कुमार–श्रेष्ठ जेभीसँग २४ करोड तीन लाख ९२ हजारमा ठेक्का सम्झौता भएको छ। २०७२ पुस २६ मा तीन वर्षभित्र सम्पन्न गर्ने गरी ठेक्का सम्झौता भए पनि व्यवसायीको ढिलासुस्तीका कारण समयमै सम्पन्न हुन सकेको छैन।

पुसमा काम सम्पन्न गर्ने गरी म्याद थपिएको र चालू आआर्थिक वर्षमा पुल निर्माणका लागि ४० लाख मात्रै विनियोजन भएकाले समस्या हुने हो कि भन्ने चिन्ता रहेको जोशीले सुनाए। पुलको काम सम्पन्न गर्न अझै चार करोड आवश्यक पर्ने उनले बताए।

यहाँ पुल नहुँदा स्थानीयले जोखिम मोलेर नदी वारपार गर्दै आएका छन्। पुल निर्माण भए लाझाडी, शुक्लाफाँटा र कृष्णपुरका बासिन्दाको आवागमनमा सहज हुने स्थानीय बच्चन रानाले बताए।–रासस

प्रकाशित मिति: बिहीबार, कात्तिक ६, २०८२ ०७:१६

प्रतिक्रिया दिनुहोस्