नागढुंगा सुरुङमार्गः निर्माण कम्पनीद्वारा सवा ३ अर्ब क्षतिपूर्ति माग

पूर्वाधार

गृहपृष्ठ
पूर्वाधार

नागढुंगा सुरुङमार्गः निर्माण कम्पनीद्वारा सवा ३ अर्ब क्षतिपूर्ति माग

क्यापिटल नेपाल सोमबार, कात्तिक १०, २०८२

काठमाडौं। नागढुंगा–सिस्नेखोला सुरुङमार्ग निर्माण कम्पनीद्वारा सम्झौताअनुसारको डिजाइनमा फरक परेको दाबीसहित सरकारसँग सवा ३ अर्ब क्षतिपूर्ति माग गरेको छ।

निर्माण कम्पनीले बढी काम गर्नुपरेको, स्थानीयले विभिन्न माग राखेर पटक–पटक अवरोध गर्दा सयौं कामदार र उपकरण बेरोजगार बसेको तथा डलरको मूल्य बढेको जनाउँदै क्षतिपूर्ति माग गरेको नागढुंगा–सिस्नेखोला सुरुङमार्ग निर्माण आयोजनाले जनाएको छ।

सम्झौताअनुसार सुरुङमार्गको भित्ता खन्ने, त्यसको ‘सपोर्टिङ’ प्रक्रियालगायत कामको लागतभन्दा बढी र थप काम गर्नुपरेको र विभिन्न समय भएका अवरोधका कारण जनशक्ति एवं उपकरणले काम गर्न नपाउँदा क्षति पुगेको भन्दै निर्माण कम्पनीले हर्जनास्वरूप ३ अर्ब २५ करोड रुपैयाँ मागदाबी गरेको आयोजना प्रमुख सौजन्य नेपालले बताए।

उनका अनुसार निर्माण कम्पनीले आयोजनाको ‘डिसप्युट बोर्ड’ मा लिखित क्षतिपूर्ति दाबी गरेको हो। आयोजना निर्माणका क्रममा पहिलो पक्ष (नेपाल सरकार) र दोस्रो पक्ष (निर्माण कम्पनी) बिच कुनै विवाद उत्पन्न भए त्यसको समाधानका लागि तेस्रो पक्ष (स्वतन्त्र पक्ष) का रूपमा तीन सदस्यीय ‘डिसप्युट बोर्ड’ गठन गरिएको हुन्छ। आयोजना निर्माणको म्याद कात्तिक ७ सम्म रहेकाले निर्माण पूरा नभएपछि फेरि थप्ने तयारी छ।

प्रकाशित मिति: सोमबार, कात्तिक १०, २०८२ ०८:२८

प्रतिक्रिया दिनुहोस्