महाधिवेशनको कार्यतालिकामा सहमति नजुट्दा कांग्रेस केन्द्रीय समिति बैठक स्थगित

राजनीति

गृहपृष्ठ
राजनीति

महाधिवेशनको कार्यतालिकामा सहमति नजुट्दा कांग्रेस केन्द्रीय समिति बैठक स्थगित

क्यापिटल नेपाल शुक्रबार, कात्तिक १४, २०८२

काठमाडौं। नेपाली कांग्रेसको आज दिउँसो १ बजेका लागि बोलाइएको केन्द्रीय समिति बैठक आइतबारसम्मका लागि स्थगित भएको छ। आसन्न महाधिवेशनको कार्यतालिकामा पार्टीभित्र सहमति नजुट्दा बैठक स्थगित गरिएको हो।

संस्थापन इतर समूहको अडान अनुसार महामन्त्री गगन थापाले कार्यवाहक सभापति पूर्णबहादुर खड्कासँगको भेटमा पुस १६ गते नियमित महाधिवेशन गर्ने प्रस्ताव अघि बढाउने अडान राखेका थिए। तर, संस्थापन पक्षले भने फागुन २१ को चुनावअघि महाधिवेशन गर्न नसकिने भन्दै वैशाखमा सार्नुपर्ने पक्षमा अडिग रहेको छ।

महाधिवेशनका दुई फरक कार्यतालिका बैठकमा पेस हुने अवस्था बनेपछि शीर्ष तहमा थप छलफलका लागि बैठक सारिएको बताइएकाे छ। बिहीबार पनि महामन्त्री थापाले कार्यतालिका पेस गर्न नदिए महामन्त्री बैठक नै बहिस्कार गरेका थिए।

आज पनि उनले केन्द्रीय समिति बैठकमा कार्यतालिका पेस गर्न नदिए सहभागी नहुने अडान कावा सभापति खड्कालाई जानकारी गराएका थिए। कार्यवाहक सभापति खड्काले भने केन्द्रीय समितिले बहुमतको आधारमा निर्णय गर्ने जवाफ दिँदै आएका छन्।

प्रकाशित मिति: शुक्रबार, कात्तिक १४, २०८२ १६:०९

प्रतिक्रिया दिनुहोस्