स्रोत नखुलेको २८ लाख बढी रकमसहित दुई भारतीय नागरिक पक्राउ

समाज

गृहपृष्ठ
समाज

स्रोत नखुलेको २८ लाख बढी रकमसहित दुई भारतीय नागरिक पक्राउ

क्यापिटल नेपाल सोमबार, कात्तिक १७, २०८२

काठमाडाैं। स्रोत नखुलेको ठूलो परिमाणको नेपाली रुपैयाँसहित दुई जना भारतीय नागरिक कैलालीको धनगढीबाट पक्राउ परेका छन्।

जिल्ला प्रहरी कार्यालय कैलालीबाट खटिएको प्रहरी टोलीले विशेष सूचनाका आधारमा आइतबार साँझ करिब ५ बजे धनगढी उपमहानगरपालिका-३, मिलनचोकमा चेकजाँच गर्दा उनीहरूलाई नियन्त्रणमा लिएको हो।

पक्राउ पर्नेहरूमा भारत, लखिमपुर खिरी पलिया बस्ने २७ वर्षीय हरचित गुप्ता (चालक) र सोही ठाउँका २९ वर्षीय सागर गुप्ता रहेका छन्। उनीहरूले प्रयोग गरिरहेको भारतीय नम्बर प्लेट यूपी ३१ सीएन ११७५ को कार चेकजाँच गर्दा उनीहरूको साथबाट २८ लाख ३ सय ५० नेपाली रुपैयाँ बरामद भएको प्रहरीले जनाएको छ।

जिल्ला प्रहरी कार्यालयका अनुसार बरामद रकम र कारसहित दुवै जनालाई नियन्त्रणमा लिएर प्रहरी हिरासतमा राखिएको छ। प्रहरीले उनीहरूमाथि थप अनुसन्धान गरिरहेकाे छ।

प्रकाशित मिति: सोमबार, कात्तिक १७, २०८२ १३:३८

प्रतिक्रिया दिनुहोस्