रेड बुल नयाँ कार्बोनेटेड इनर्जी ड्रिंक सार्वजनिक, खेलकुदप्रेमीलाई लक्षित

कर्पोरेट बजार

गृहपृष्ठ
कर्पोरेट बजार

रेड बुल नयाँ कार्बोनेटेड इनर्जी ड्रिंक सार्वजनिक, खेलकुदप्रेमीलाई लक्षित

क्यापिटल नेपाल शुक्रबार, कात्तिक २१, २०८२

काठमाडौं। नेपालमा रेड बुलको आधिकारिक उत्पादक तथा वितरक ८८सरस बेभरेज प्रालिले नयाँ उत्पादन ‘रेड बुल कार्बोनेटेड एनर्जी ड्रिंक ९३३० मिलि’ सार्वजनिक गरेको छ।

कम्पनीले काठमाडौंस्थित एभरेष्ट होटलमा आयोजित कार्यक्रममा नयाँ पुस्ताका लागि लक्षित यो नयाँ पेय सार्वजनिक गरेको हो। ताजगी र ऊर्जा संयोजनका रूपमा प्रस्तुत गरिएको उत्पादनले नेपाली उपभोक्तामाझ नयाँ अनुभव दिने विश्वास कम्पनीको छ।

२०७९ डिसेम्बरमा पहिलो पटक नेपाली बजारमा प्रस्तुत गरिएको रेड बुल इनर्जी ड्रिंकले उल्लेखनीय सफलता पाएको कम्पनीको दाबी छ। त्यसपछि उपभोक्ता माग र स्वादअनुसार सुधार गर्दै नयाँ संस्करण बजारमा ल्याइएको हो।

कम्पनीका प्रमुख कार्यकारी अधिकृत सुरेन्द्र रत्नाकारले भने, ‘हामीले नयाँ उत्पादनमा ताजगी, स्वाद र कार्यक्षमताको उत्कृष्ट संयोजन प्रस्तुत गरेका छौं। यसले रेड बुल ब्रान्डलाई अझ सशक्त बनाउनेछ।’

सरस बेभरेजले नेपालमै रेड बुलका विभिन्न उत्पादन र वितरण गर्दै आएको छ। कम्पनीले उपभोक्ताको स्वास्थ्य, सन्तुष्टि र विश्वस्तरीय गुणस्तरलाई प्राथमिकता दिँदै उत्पादनमा निरन्तर सुधार गर्दै आएको बताएको छ।

नयाँ कार्बोनेटेड इनर्जी ड्रिंकले युवा पुस्ता, खेलकुद प्रेमी र व्यस्त पेशेवरलाई लक्षित गरेको छ। कम्पनीले आगामी दिनमा पनि नेपाली बजारमा नवीनतम प्रविधि र स्वादयुक्त पेयपदार्थ उपलब्ध गराउने योजना बनाएको छ।

प्रकाशित मिति: शुक्रबार, कात्तिक २१, २०८२ १४:१३

प्रतिक्रिया दिनुहोस्