वर्ल्डलिंकको ‘सिक्सजी’ सार्वजनिक, नाेकियाकाे सहकार्य

प्रविधि

गृहपृष्ठ
प्रविधि

वर्ल्डलिंकको ‘सिक्सजी’ सार्वजनिक, नाेकियाकाे सहकार्य

क्यापिटल नेपाल सोमबार, कात्तिक २४, २०८२

काठमाडौं। इन्टरनेट सेवाप्रदायक वर्ल्डलिंक कम्युनिकेसन्सले नयाँ पुस्ताको वाईफाई प्रविधि ‘वर्ल्डलिंक सिक्सजी’ सार्वजनिक गरेको छ।

वर्ल्डलिंकले सार्वजनिक गरेको वाईफाई सिक्स प्रविधि अहिलेको वाईफाई फाइजीभन्दा ४० प्रतिशत बढी दायरा र चार गुणासम्म तीव्र गतिको क्षमता दिने आइतबार बेलुका काठमाडौंमा आयोजित कार्यक्रममा कम्पनीका अध्यक्ष तथा प्रबन्ध निर्देशक दिलीप अग्रवालले बताए।

वाईफाई ६ नेपाललाई स्मार्ट, छरितो र प्रभावकारी डिजिटल युगतर्फ लैजाने महत्त्वपूर्ण कदम भएको उनको भनाइ थियो।

कार्यक्रममा नोकियाका प्रतिनिधिले विश्व बजारमा वाईफाई ६ प्रविधिको प्रभाव र नेपालमा वर्ल्डलिंक–नोकिया सहकार्यले ल्याउने सम्भावनाबारे प्रकाश पार्दै नेपालमा अन्तर्राष्ट्रिय स्तरको इन्टरनेट सेवा विस्तारमा यसले टेवा पुग्ने बताए।

वर्ल्डलिंकले आगामी नेपाल प्रिमियर लिग (एनपीएल) २०२५ का लागि काठमाडौं गोरखा टोलीलाई शीर्ष प्रायोजकका रूपमा समर्थन गरेको घोषणा पनि गरेको थियो।

प्रकाशित मिति: सोमबार, कात्तिक २४, २०८२ ०७:३९

प्रतिक्रिया दिनुहोस्