सानिमा बैंकको दराजसँग दराज ११.११ योजनाका लागि सहकार्य

कर्पोरेट बजार

गृहपृष्ठ
कर्पोरेट बजार

सानिमा बैंकको दराजसँग दराज ११.११ योजनाका लागि सहकार्य

क्यापिटल नेपाल सोमबार, कात्तिक २४, २०८२

काठमाडाैं। सानिमा बैंकले ग्राहकका लागि दराजसग दराज ११.११ योजनामा विशेष छुट दिने सहकार्य गरेको छ। योजना अवधिभर दराजबाट सामान खरिद गरी ग्राहकले सानिमा बैंकको डेबिट तथा क्रेडिट कार्डबाट अग्रीम भुक्तानी गर्दा विशेष छुट प्राप्त गर्ने भएका हुन्।

ग्राहकले डेबिट कार्डबाट भुक्तानी गर्दा १५ प्रतिशत वा अधिकतम् १५ सयसम्मको छुट तथा क्रेडिट कार्डबाट भुक्तानी गर्दा २० प्रतिशत वा अधिकतम् र२ हजारसम्मको छुट प्राप्त गर्न सक्नेछन्। छुटका लागि ग्राहकले दराजबाट बैंक भौचर संकलन गर्नुपर्नेछ। योजना अवधिभर सहभागी हुने ग्राहकहरुलाई ‘पहिलोलाई प्राथमिकता’ को आधारमा छुट प्रदान गरिनेछ।

यो योजना २०८२ कार्तिक २५ देखि मंसिर ५ गतेसम्मका लागि लागू हुनेछ। बैंकले यसैगरी ग्राहकहरुलाई विभिन्न छुट तथा अफरहरु प्रदान गरी डिजिटल भुक्तानीको अधिकतम प्रयोग गर्न प्रोत्साहन गर्दै आएको छ।

प्रकाशित मिति: सोमबार, कात्तिक २४, २०८२ १७:५२

प्रतिक्रिया दिनुहोस्