मतदाता नामावली दर्ता गर्न पठाओको सहयोग, निर्वाचन कार्यालय जान ५० रुपैयाँ छुट

कर्पोरेट बजार

गृहपृष्ठ
कर्पोरेट बजार

मतदाता नामावली दर्ता गर्न पठाओको सहयोग, निर्वाचन कार्यालय जान ५० रुपैयाँ छुट

क्यापिटल नेपाल शुक्रबार, कात्तिक २८, २०८२

काठमाडाैं। राइड–सेयरिङ एप पठाओले उपत्यकाका नागरिकलाई मतदाता नामावली दर्ता गर्न सहज बनाउन विशेष अफर सुरु गरेको छ। यस अफरअन्तर्गत प्रयोगकर्ताले निर्वाचन कार्यालयसम्म जाने र फर्कने प्रत्येक राइडमा ५० रुपैयाँ छुट पाउनेछन्।

पठाओले यो सुविधा काठमाडौं, ललितपुर र भक्तपुर जिल्लामा रहेका जिल्ला निर्वाचन कार्यालयहरूमा आवागमन गर्ने प्रयोगकर्ताका लागि उपलब्ध गराएको हो।

राइड बुक गर्दा प्रयोगकर्ताले पठाओ एपमा सम्बन्धित कार्यालयको नाम समावेश गर्नुपर्नेछ। यस्तै, नेपाली भाषामा पनि जिल्ला निर्वाचन कार्यालय, मिन भवन, सल्लाघारी वा जावलाखेल लेखेर राइड बुक गर्न सकिने पठाओले जनाएको छ। कम्पनीका अनुसार यस अफरको उद्देश्य नागरिकलाई मतदाता नामावली दर्ता प्रक्रियामा सक्रिय सहभागिता गराउन सहयोग पुर्‍याउनु हो।

प्रकाशित मिति: शुक्रबार, कात्तिक २८, २०८२ १७:५५

प्रतिक्रिया दिनुहोस्