उद्योग विभागलाई उद्योग वाणिज्य महासंघले दिए कम्प्युटर

उद्योग

गृहपृष्ठ
उद्योग

उद्योग विभागलाई उद्योग वाणिज्य महासंघले दिए कम्प्युटर

क्यापिटल नेपाल बुधबार, मंसिर ३, २०८२

काठमाडौं। नेपाल उद्योग वाणिज्य महासंघले उद्योग विभागलाई कम्प्युटर हस्तान्तरण गरेको छ। महासंघका अध्यक्ष चन्द्र प्रसाद ढकालले बुधबार उद्योग विभागमा विभागका महानिर्देशक राजेश्वर ज्ञवालीलाई कम्प्युटर हस्तान्तरण गरेका हुन्।

गत भाद्र २३ र २४ गतेको आन्दोलनमा विभाग परिसरमा भएको आगजनीका कारण कम्प्युटर तथा अन्य सामग्री जलेर नष्ट भएपछि विभागको आग्रहअनुसार महासंघले विभागलाई सहयोग स्वरुप कम्प्युटर उपलब्ध गराएको हो।

यस अवसरमा महासंघका अध्यक्ष चन्द्र प्रसाद ढकालले निजी क्षेत्र र राज्यका निकायबीचको सहकार्यले मात्र सेवा प्रवाहको गुणस्तर सुधारिने उल्लेख गरे।

उनले उद्योग विभागले सामना गरेको क्षति न्यूनीकरणमा महासंघको तर्फबाट सानो सहयोग गर्न पाएकोमा हामी खुशी व्यक्त गर्दै आउँदा दिनमा पनि महासंघ र विभाग वीच सहकार्य जारी रहने बताए।

‘महासंघले निजी क्षेत्र र सरकारी निकायबीच सहकार्य आवश्यक छ। यो सहकार्यको माध्यमबाट संस्थागत क्षमताबृद्धिमा योगदान पुग्ने हाम्रो विश्वास रहेको छ,’ अध्यक्ष ढकालले भने।

उद्योग विभागका महानिर्देशक राजेश्वर ज्ञवालीले भाद्र २३ र २४ गतेको आन्दोलनका क्रममा विभागको भौतिक सामाग्रीमा ठूलो क्षति पुर्‍याएको उल्लेख गर्दै महासंघले तत्काल सहयोग उपलब्ध गराएकोमा आभार व्यक्त गरे। उनले महासंघको यो सहयोगले विभागको दैनिक सेवा सञ्चालन सहजता ल्याउने बताए।

प्रकाशित मिति: बुधबार, मंसिर ३, २०८२ १५:१२

प्रतिक्रिया दिनुहोस्