चौमासिकमा ओरालो लाग्यो घरजग्गा कारोबार, कात्तिकको राजस्व २ अर्ब ७४ करोड मात्रै

उद्योग

गृहपृष्ठ
उद्योग

चौमासिकमा ओरालो लाग्यो घरजग्गा कारोबार, कात्तिकको राजस्व २ अर्ब ७४ करोड मात्रै

क्यापिटल नेपाल शुक्रबार, मंसिर ५, २०८२

काठमाडौं। देशभर घरजग्गाको कारोबार क्रमशः घट्दै गएको पाइएको छ। कारोबार घट्दै जाँदा राजस्व संकलनमा समेत ह्रास आएको हो।

कारोबारको विवरण राख्ने भूमि व्यवस्थापन तथा अभिलेख विभागका अनुसार चालू आर्थिक वर्षको चार महिनामा राजस्व संकलनको मात्रा क्रमशः ओरालो लागेको छ।

सरकारले घरजग्गा कारोबारमा सहजीकरण गरेको भए पनि राजस्व संकलन अपेक्षित रूपमा बढ्न सकेको छैन। केही दिन पहिले मात्र सरकारले भूउपयोग (तेस्रो संशोधन) नियमावली संशोधन गरेको छ।

गत कात्तिक महिनामा देशभरका मालपोत कार्यालयले २ अर्ब ७४ करोड ५१ लाख ७२ हजार १९९ बराबरको राजस्व संकलन गरेको थिए।

गत असोजमा २ अर्ब ७५ करोड ८५ लाख ५७ हजार ९२७ बराबरको राजस्व संकलन भएको थियो। यस्तै, भदौमा रु तीन अर्ब १४ करोड सात लाख १६ हजार ३३५ बराबरको राजस्व संकलन भएको थियो।

गत साउनमा ३ अर्ब २८ करोड ९१ लाख ३८ हजार २४२ बराबरको राजस्व संकलन भएको भूमि व्यवस्थापन तथा अभिलेख विभागले जनाएको छ।

विभागका अनुसार गत कात्तिकमा सेवा करमार्फत २१ करोड ३४ लाख ४७ हजार ४१३, रजिष्ट्रेसन दस्तुर एक अर्ब ५० करोड ६२ लाख ९६ हजार १४ र पुँजीगत लाभकरमार्फत ९९ करोड ७८ लाख ४४ हजार ३९२ संकलन गरेको थियो।

प्रकाशित मिति: शुक्रबार, मंसिर ५, २०८२ ०७:०५

प्रतिक्रिया दिनुहोस्