वीरगञ्ज भन्सारमा चार महिनामा साढे ७५ अर्ब राजस्व संकलन

अर्थतन्त्र

गृहपृष्ठ
अर्थतन्त्र

वीरगञ्ज भन्सारमा चार महिनामा साढे ७५ अर्ब राजस्व संकलन

क्यापिटल नेपाल सोमबार, मंसिर ८, २०८२

पर्सा। वीरगञ्ज भन्सार कार्यालयले चालु आर्थिक वर्ष २०८२/८३ को चार महिनामा ७५ अर्ब ५८ करोड राजस्व संकलन गरेको छ। भन्सार विभागले कार्यालयलाई चालु आवको चार महिनामा ८९ अर्ब २४ करोड राजस्व संकलन गर्ने लक्ष्य निर्धारण गरे पनि सो अवधिमा लक्ष्यको ८५ प्रतिशत मात्रै संकलन भएको हो।

चालू आवको साउन, भदौ र असोज महिनामा राजस्व संकलन उत्साहजनक भए पनि कात्तिक महिनामा कमजोर देखिएको हो। वीरगञ्ज भन्सार कार्यालयका प्रमुख भन्सार प्रशासक विष्णुप्रसाद ज्ञवालीले कात्तिक महिनामा जेनजी आन्दोलन, छठपर्व, बाढीलगायतका कारणले पनि राजस्व सङ्कलन लक्ष्यअनुसार हुन नसकेको बताए।

'चालु आवको तीन महिनामा राजस्व संकलन लक्ष्य उन्मुख भइरहेको थियो,' उनले भने, 'कात्तिक महिनामा २३ अर्ब ६३ करोड लक्ष्य राखिएकामा सो अवधिमा १७ अर्ब ३३ करोड राजस्व संकलन भएको छ।'

वीरगञ्ज भन्सार कार्यालयका अनुसार साउन महिनामा १८ अर्ब ४४ करोड, भदौ महिनामा २० अर्ब ७३ करोड, असोज महिनामा १९ अर्ब नौ करोड र कात्तिक महिनामा १७ अर्ब ३३ करोड राजस्व संकलन भएको छ।

प्रकाशित मिति: सोमबार, मंसिर ८, २०८२ १३:३५

प्रतिक्रिया दिनुहोस्