कांग्रेसको विशेष महाधिवेशन पक्षधरको सभामा के भयो?

राजनीति

गृहपृष्ठ
राजनीति

कांग्रेसको विशेष महाधिवेशन पक्षधरको सभामा के भयो?

क्यापिटल नेपाल बुधबार, मंसिर १०, २०८२

काठमाडौं। नेपाली कांग्रेसका विशेष महाधिवेशन पक्षधरको सभा आज सम्पन्न भएको छ। प्रदर्शनीमार्गस्थित राष्ट्रियसभा गृहमा आयोजना गरिएको सभामा विशेष महाधिवेशनको माग गर्दै हस्ताक्षर गरेका ५४ प्रतिशत महाधिवेशन प्रतिनिधि सहभागी रहेको जनाइएको छ।

उक्त सभालाई सम्बोधन गर्दै नेपाली कांग्रेसका नेता ओमकार श्रेष्ठले पार्टीकै केही पदाधिकारीले महाधिवेशन रोकेको आरोप लगाए। उनले भने, 'अहिलेको अवस्थामा महाधिवेशनको विकल्प छैन।'

कांग्रेसका अर्का नेता गुरुराज घिमिरेले बीसौँ वर्ष सत्ताको चास्नीमा डुबेकाले पार्टीका योद्धाको हस्ताक्षरलाई नक्कली भन्ने अधिकार नभएको बताए। उनले भने, 'कसको हो नक्कली हस्ताक्षर? निकाल्न हामी चुनौती दिन्छौँ, पार्टीका साथीहरूको योगदानका आधारमा पदमा बसेर साथीको आग्रहलाई लल्कार्न पाइँदैन।'

कांग्रेसका ५४ प्रतिशत महाधिवेशन प्रतिनिधिले विशेष महाधिवेशनको माग गर्दै गत असोज २९ गते केन्द्रीय कार्यालयमा हस्ताक्षरसहितको निवेदन दर्ता गरिसकेका छन्। आजको उक्त सभाका वक्ताहरुले विशेष महाधिवेशनमा जोड दिएका थिए।

प्रकाशित मिति: बुधबार, मंसिर १०, २०८२ २०:४४

प्रतिक्रिया दिनुहोस्