प्रधानमन्त्रीको रोहबरमा एनआरएनएका दुई समूहबीच एकता, १२औँ महाधिवेशन फेब्रुअरी अन्तिममा

राजनीति

गृहपृष्ठ
राजनीति

प्रधानमन्त्रीको रोहबरमा एनआरएनएका दुई समूहबीच एकता, १२औँ महाधिवेशन फेब्रुअरी अन्तिममा

क्यापिटल नेपाल आइतबार, मंसिर १४, २०८२

काठमाडौं। गैरआवासीय नेपाली संघ (एनआरएनए) मा लामो समयदेखि देखिएको विवाद अन्त्य भएको छ। आइतबार प्रधानमन्त्री सुशीला कार्कीको रोहबरमा अध्यक्षद्वय डा. बद्री केसी र महेश श्रेष्ठ नेतृत्वका दुई समूहबीच औपचारिक एकता घोषणा भएको हो।

एकतासँगै अब फेब्रुअरी अन्तिममा १२औँ महाधिवेशन हुने भएकाे छ। महाधिवेशनको तयारीका लागि ११ सदस्यीय स्टेरिङ कमिटी, निर्वाचन समिति र मोनिटरिङ समिति गठन गरिनेछ। महाधिवेशन नहुँदासम्म दुवै अध्यक्ष बद्री केसी र महेश श्रेष्ठको संयुक्त नेतृत्व रहनेछ। १२औँ महाधिवेशनमा सहमतिका आधारमा नेतृत्व चयन गर्ने प्रयास गरिने पनि सहमति भएको छ।

NRNA_Unification-Program_-(15)-1764485784.jpg
एनआरएनएमा २०७८ सालमा १०औँ महाधिवेशनको वैधानिकतालाई लिएर पूर्वअध्यक्ष शेष घले अदालत गएपछि फुटको सुरुवात भएको थियो। सर्वोच्च अदालतले घलेको नेतृत्वमा उच्चस्तरीय समिति गठन गरिएकाे थियाे। त्यसै समय सर्वोच्चले १३ जना राखेर घलेको नेतृत्वमा एकताको महाधिवेशन गर्नुपर्ने जिम्मेवारी दिएको थियो।

NRNA_Unification-Program_-(10)-1764485782.jpg
सर्वोच्चको फैसलापछि ११औँ महाधिवेशनबाट निर्वाचित केसी नेतृत्वको कार्यसमितिलाई परराष्ट्र मन्त्रालयले आफ्ना गतिविधि नगर्न पत्र पठाएको थियो। यद्यपि, सर्वोच्चले २०८१ साउनमा केसी नेतृत्वलाई काम गर्न बाधा नपर्ने फैसला दिएको थियो। यसैबीच घले समूहले वैशाखमा गरेको एकता महाधिवेशनबाट महेश श्रेष्ठ निर्विरोध अध्यक्ष निर्वाचित भएका थिए।