लगानी प्रवर्द्धन तथा सुरक्षाको प्रत्याभूति नीति आवश्यक: अध्यक्ष अग्रवाल

उद्योग

गृहपृष्ठ
उद्योग

लगानी प्रवर्द्धन तथा सुरक्षाको प्रत्याभूति नीति आवश्यक: अध्यक्ष अग्रवाल

क्यापिटल नेपाल सोमबार, मंसिर १५, २०८२

काठमाडौं। नेपाल चेम्बर अफ कमर्सका अध्यक्ष कमलेश कुमार अग्रवालले निजी क्षेत्रको मनोबल उकास्नका लागि लगानी प्रवर्द्धन तथा सुरक्षाको प्रत्याभूति नीति आवश्यक रहेको बताएका छन्।

नेपाल आर्थिक पत्रकार समाज सेजनको २९औँ वार्षिकोत्सव समारोहलाई सम्बाेधन गर्दै अध्यक्ष अग्रवालले लामो समयदेखि सिथिल अर्थतन्त्रबाट प्रभावित उद्यमी व्यवसायीहरुलाई सहजता प्रदान गर्न लगानीमैत्री वातावरण सिर्जना गर्नका लागि प्रभावकारी नीतिगत व्यवस्था हुनुपर्नेमा जोड दिए।

अध्यक्ष अग्रवालले भने,‘लगानीमैत्री वातावरण निर्माणका लािग पहिलो आवश्यक्ता सुरक्षाको प्रत्याभूूति नै हो। स्वदेशी लगानीकर्ताको मनोवल उकास्न सरकारले अविलम्व लगानी प्रवर्द्धन तथा सुरक्षाको प्रत्याभूति हुने गरी नीतिगत व्यवस्था गर्नुपर्दछ।’

विदेशी लगानीकर्ताहरुको सुरक्षाको प्रत्याभूतिका लागि दुुईपक्षीय लगानी प्रवर्द्धन तथा सुुरक्षा सम्झौता गरिए जस्तै आन्तरिक लगानी प्रवर्द्धनका लागि पनि ठोस नीतिगत व्यवस्था हुनुपर्ने अध्यक्ष अग्रवालको भनाइ छ। लगानी वातावरण, रोजगारी श्रृजना, राजश्व संकलन, वित्तीय स्थिरता लगायतका आर्थिक चुनौतीहरु मुलुकले भोगिरहेको अध्यक्ष अग्रवाले बताए।

प्रकाशित मिति: सोमबार, मंसिर १५, २०८२ १५:२२

प्रतिक्रिया दिनुहोस्