रिलायन्सको आईपीओ बिक्री खुल्यो, विदेश रोजगारीमा रहेकालाई सवा लाख बढी कित्ता सेयर

सेयर

गृहपृष्ठ
सेयर

रिलायन्सको आईपीओ बिक्री खुल्यो, विदेश रोजगारीमा रहेकालाई सवा लाख बढी कित्ता सेयर

क्यापिटल नेपाल सोमबार, मंसिर २२, २०८२

काठमाडौं। वैदेशिक रोजगारीमा रहेका नेपाली नागरिकका लागि रिलायन्स स्पिनिङ मिल्सले आजदेखि साधारण सेयर (आईपीओ)बिक्री गर्ने भएको छ। कम्पनीले १ लाख १५ हजार ५९६ कित्ता सेयर वैदेशिक रोजगारीमा रहेका नेपालीलाई बिक्री गर्न लागेको हो।

विदेशमा रहेका नेपालीले न्यूनतम् ५० कित्ता र अधिकतम २० हजार कित्तासम्म आवेदन दिन सक्नेछन्। उक्त परिमाणको साधारण सेयरमा छिटोमा मंसिर २५ र बढीमा आगामी पुस ७ गतेसम्म आवेदन दिन सकिनेछ।

साधारण सेयरमा लगानी गर्न चाहनेले धितोपत्र बोर्डमा दर्ता भएका सबै आस्बा सदस्य बैंक तथा वित्तीय संस्था, तिनका शाखा कार्यालय तथा मेरो सेयरको अनलाइनमार्फत आवेदन दिन सक्नेछन्। कम्पनीको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ।

कम्पनीले जारी पुँजी १ अर्ब ९० करोडको १० दशमलव १४ प्रतिशत १९ करोड २६ लाख ६० हजारको बराबरको १९ लाख २६ हजार ६०० कित्तामध्ये ११ लाख ५५ हजार ९६० कित्ता साधारण सेयर बिक्री गर्न लागेको छ।

प्रकाशित मिति: सोमबार, मंसिर २२, २०८२ ०६:५५

प्रतिक्रिया दिनुहोस्