प्रधानमन्त्री र गृहमन्त्रीसँग दुर्गा प्रसाईंको भेटवार्ता, २७ बुँदे मागमाथि छलफल

राजनीति

गृहपृष्ठ
राजनीति

प्रधानमन्त्री र गृहमन्त्रीसँग दुर्गा प्रसाईंको भेटवार्ता, २७ बुँदे मागमाथि छलफल

क्यापिटल नेपाल सोमबार, मंसिर २२, २०८२

काठमाडौं। अन्तरिम सरकारका प्रधानमन्त्री सुशीला कार्कीसँग अभियन्ता एवं नागरिक बचाउ दलका संरक्षक दुर्गा प्रसाईंको सिंहदरबारमा औपचारिक भेटवार्ता सुरु भएको छ। उनले सरकारसँग राखेका २७ बुँदे मागबारे प्रधानमन्त्री कार्कीसमक्ष छलफल भइरहेको हाे।

वार्तामा प्रधानमन्त्री कार्कीसँगै गृहमन्त्री ओमप्रकाश अर्याल पनि सहभागी छन्। प्रसाईंको तर्फबाट भने १९ जनाकाे समूह सहभागी रहेकाे बताइएकाे छ। भेटमा प्रसाईंले आफ्नो समूहले मंसिर ६ गतेदेखि राख्दै आएका मागहरूको पूर्ण कार्यान्वयनका लागि सरकारको तत्कालीन प्रतिबद्धता कार्यान्वयन नभएको भन्दै असन्तुष्टि व्यक्त गरेका छन्। छलफलमा वर्तमान शान्ति–सुरक्षा अवस्था, राष्ट्रियता तथा धार्मिक स्वतन्त्रता विषयमा छलफल भइरहेकाे बुझिएकाे छ।

प्रसाईंको २७ बुँदे मागपत्रमा वर्तमान संविधान खारेज गरी नयाँ संविधान निर्माण, राष्ट्रपतिको सट्टा प्रत्यक्ष निर्वाचित कार्यकारी प्रमुख प्रणाली, राजसंस्था र हिन्दु राष्ट्र पुनर्स्थापना लगायतका बुँदा समावेश छन्। सरकारले उक्त माग निर्वाचनमार्फत मात्र सम्बोधन गर्नसक्ने सुझाव दिए पनि प्रसाईं समूहले तत्काल कार्यान्वयन नभए चरणबद्ध आन्दोलन गर्ने चेतावनी दिइरहेकाे छ।

प्रकाशित मिति: सोमबार, मंसिर २२, २०८२ १६:५२

प्रतिक्रिया दिनुहोस्