भ्रष्टाचारविरुद्धको कारबाहीलाई प्राथमिकताका साथ अगाडि बढाएको छः प्रधानमन्त्री

राजनीति

गृहपृष्ठ
राजनीति

भ्रष्टाचारविरुद्धको कारबाहीलाई प्राथमिकताका साथ अगाडि बढाएको छः प्रधानमन्त्री

क्यापिटल नेपाल बिहीबार, मंसिर २५, २०८२

काठमाडौं। प्रधानमन्त्री सुशीला कार्कीले भ्रष्टाचारविरुद्धको कारबाहीलाई सरकारले प्राथमिकताकासाथ अगाडि बढाएको बताएकी छन्।

जय मातृभूमि पार्टीको आज ज्ञापनपत्र बुझ्दै प्रधानमन्त्री कार्कीले उक्त दललाई आफ्ना एजेन्डा लिएर चुनावमा जान सुझाव दिए। राजनीति गर्नेहरुले केबल भाषण गरेर विचार मात्रै पोख्ने गरेकाले अब मुलुकमा उत्पादनलाई केन्द्रमा राखेर काम गर्ने पार्टीको आवश्यकता रहेको उनको भनाइ थियो।

“खाली विचार मात्र पोख्ने दल धेरै भए। काम र रोजगारीमा केन्द्रित रहेर काम गर्ने भएनन्। यही कारण मुलुकको आर्थिक अवस्था कमजोर भयो। रोजगारीका अवसर मुलुकमा भएनन्। विदेश पलायन हुनुपर्ने बाध्यता बन्यो”, प्रधानमन्त्री कार्कीले भनिन्, “यसको परिणाम स्वरुप युवामा वितृष्णा बढ्यो। आन्दोलन भयो। अब यस्तो आन्दोलन गर्न नपर्ने गरी काम गरौँ।”

प्रधानमन्त्री कार्कीले राम्रो काम गर्ने र देशको आर्थिक समृद्धि तथा सुशासनका निम्ति प्रतिबद्ध व्यक्तिलाई जिताएर संसद्मा पठाउन आग्रह गरिन्। एक/एक जनाको राम्रो प्रयासले नै मुलुक सुशासनयुक्त र समृद्ध हुने उनको भनाइ थियो।

प्रकाशित मिति: बिहीबार, मंसिर २५, २०८२ १९:१०

प्रतिक्रिया दिनुहोस्