पाँच महिनामा १ अर्ब १४ करोड राजस्व संकलन

अर्थतन्त्र

गृहपृष्ठ
अर्थतन्त्र

पाँच महिनामा १ अर्ब १४ करोड राजस्व संकलन

क्यापिटल नेपाल बुधबार, पुस २, २०८२

काठमाडाैं। आन्तरिक राजस्व कार्यालय भद्रपुरले चालु आर्थिक वर्ष २०८२/०८३ को मंसिर मसान्तसम्ममा एक अर्ब १४ करोड ९९ लाख ६३ हजार राजस्व संकलन गरेको छ। संकलन भएको उक्त रकम चालु आवको वार्षिक लक्ष्यको २५.८१ प्रतिशत हो।

आन्तरिक राजस्व कार्यालयको चालु आवमा रु चार अर्ब ४५ करोड ५० लाख राजस्व संकलन गर्ने लक्ष्य राखेको प्रमुख कर अधिकृत गोपालबहादुर थापाले जानकारी दिए। ‘चालु आवको पहिलो पाँच महिनामा एक अर्ब ३६ करोड ९ लाख ७० हजार राजस्व संकलन गर्ने लक्ष्य रहेकोमा लक्ष्यको ८४.५० प्रतिशत राजस्व संकलन भयो’, उनले भने।

आन्तरिक राजस्व कार्यालय भद्रपुरले चालु आवको पाँच महिनामा आयकरबाट ४२ करोड ८८ लाख ३८ हजार, मूल्य अभिवृद्धि करबापत ४० करोड ५२ लाख ५८ हजार अन्तःशुल्कबापत २६ करोड १० लाख ८४ हजार राजस्व संकलन गरेको छ। गत आव २०८१/०८२ को मंसिर मसान्तसम्ममा रु एक अर्ब आठ करोड ८५ लाख २४ हजार राजस्व संकलन भएको प्रमुख कर अधिकृत थापाले जानकारी दिए।

कार्यालयले राजस्व संकलनको लक्ष्य हासिलका लागि निरन्तर बजार अनुगमन र निगरानी गर्नुका साथै लाभग्राही केन्द्रित व्यवहारिक कर शिक्षा प्रदान गर्ने काम भइरहेको प्रमुख कर अधिकृत थापाले बताए।

प्रकाशित मिति: बुधबार, पुस २, २०८२ १५:४१

प्रतिक्रिया दिनुहोस्