काठमाडौं। देशकै अग्रणी अनलाइन किनमेल गन्तव्य दराज नेपालले नयाँ वर्षलाई अझ विशेष बनाउने सोचसहित दराज १.१, द नं १ सेल सार्वजनिक गरेको छ। वर्षको सुरुवात उत्साहजनक अफरहरूसँगै गर्न चाहने ग्राहकहरूका लागि यो सेल डिसेम्बर ३१, २०२५ (पुष १६, २०८२) राति ८ बजे सुरु भई जनवरी ५, २०२६ (पुष २१, २०८२) सम्म सञ्चालन हुनेछ।
१.१ सेल अवधिभर ग्राहकहरूले विभिन्न श्रेणीका उत्पादनमा ७० प्रतिशतसम्मको फ्ल्यास सेल, ६० प्रतिशतसम्मको मेगा डिल, साथै छानिएका सामग्रीमा निःशुल्क डेलिभरीको सुविधाको मज्जा लिन सक्ने छ।
यस अभियानमा विशेष साझेदार अफरहरू पनि समावेश छन्। गोल्ड पार्टनर ब्राण्डहाउसका तर्फबाट ६० प्रतिशतसम्मको छुट उपलब्ध हुनेछ। यसमा एडिदास र रिबक लगायत लोकप्रिय अन्तर्राष्ट्रिय ब्रान्डहरू समेटिएका छन्। त्यसैगरी, सिल्भर पार्टनर नाइकका तर्फबाट ५० प्रतिशतसम्म छुट उपलब्ध हुनेछ। यसले प्रिमियम ब्रान्डहरूलाई अझ किफायती बनाउने दराजको विश्वास छ।
यो सेलको प्रमुख आकर्षणका रुपमा क्रेजी फ्ल्याश सेल पनि रहने छ। डिसेम्बर ३१ राति ८ बजेदेखि उपलब्ध गरिने यी डिलहरु सिमित समय र सिमित स्टकमा उपलब्ध हुने छन्। साथै, अभियान अवधिभर दैनिक फ्ल्याश सेलमार्फत सामान्य समयभन्दा कम मूल्यमा अफरहरू पनि उपलब्ध हुने छन्। यसले ग्राहकलाई प्रत्येक दिन नयाँ छुटसहितका आकर्षक अफरको अनुभव प्रदान गर्ने छ।
ग्राहकलाई अझ विश्वासका साथ किनमेल गर्न मद्दत पुर्याउने सोचका साथ, 'बेष्ट प्राइस' ट्याग भएका उत्पादनहरूमा विगतमा झैँ यसपटक पनि दराजको २ गुणा मूल्य अन्तर फिर्ता ग्यारेन्टी लागू हुनेछ। यसअन्तर्गत यदि नेपालभित्र कुनै अन्य अनलाइन प्लेटफर्ममा सोही उत्पादन कम मूल्यमा उपलब्ध भएमा र योग्यता सर्तहरूसमेत पूरा भएमा दराजले मूल्य अन्तरको दोब्बर रकम फिर्ता गर्ने छ।
छुटभन्दा पर दराज १.१, द नं १ सेलले सहज, भरपर्दो र लाभदायक अनलाइन किनमेल अनुभव प्रदान गर्ने लक्ष्य लिएको छ। ग्राहकहरूले स्वास्थ्य तथा सौन्दर्य, फेशन, अडियो र वेयरेबल्स, फर्निचर, होम डेकोरलगायत विभिन्न श्रेणीमा आकर्षक अफर अन्वेषण गर्न सक्ने छ।
दराज नेपालको १.१ सेलसम्बन्धी थप जानकारीका लागि www.daraz.com.np दराज नेपालको फेसबुक पेज वा दराज एप भ्रमण गर्नु हुन कम्पनीले विनम्र अनुरोध गरेको छ।
