सुनको मूल्यमा रेकर्ड ब्रेक, एकै दिन ४२०० रुपैयाँले बढ्यो

कर्पोरेट बजार

गृहपृष्ठ
कर्पोरेट बजार

सुनको मूल्यमा रेकर्ड ब्रेक, एकै दिन ४२०० रुपैयाँले बढ्यो

क्यापिटल नेपाल सोमबार, माघ ५, २०८२

काठमाडौं। नेपाली बजारमा सुनको मूल्य बढ्ने क्रम जारी छ। सोमबार छापावाल सुनको मूल्यले रेकर्ड ब्रेक गरेको छ।

नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला २ लाख ८२ हजार रुपैयाँमा कारोबार भइरहेको हो।

आज छापावाल सुनको मूल्य तोलामा ४२ सय रुपैयाँले बढेको हो। आइतबार प्रतितोला २ लाख ७७ हजार ८ सय रुपैयाँमा कारोबार भएको थियो।

यसैगरी आज चाँदीको मूल्य पनि बढेको छ। चाँदी प्रतितोला १८५ रुपैयाँले बढेको हो। चाँदी तोलामा ५ हजार ८१० रुपैयाँ कायम भएको छ। आइतबार चाँदी तोलामा ५ हजार ६२५ रुपैयाँमा कारोबार भएको थियो।

अन्तर्राष्ट्रिय बजारमा सुनको मूल्य वृद्धि, डलरको उतारचढाव र लगानीकर्ताको आकर्षण बढ्नुले नेपाली बजारमा पनि सुनचाँदीको मूल्य लगातार उकालो लागिरहेको महासंघले बताएको छ।

प्रकाशित मिति: सोमबार, माघ ५, २०८२ ११:२९