रामेछाप बस दुर्घटना अपडेटः १२ जनाको मृत्यु

समाज

गृहपृष्ठ
समाज

रामेछाप बस दुर्घटना अपडेटः १२ जनाको मृत्यु

क्यापिटल नेपाल मंगलबार, माघ २७, २०८२

रामेछाप। जिल्ला सदरमुकाम मन्थली नजिक बस दुर्घटना हुँदा १२ जनाको मृत्यु भएको छ। दुर्घटनामा बसका चालकसहित ८ जना घाइते भएका मन्थली अस्पतालका मेडिकल सुपरिटेन्डेन्ट डा. केशवसिंह धामीले जानकारी दिए।

काठमाडौंबाट ओखलढुंगा जाँदै गरेको अरनिको यातायातको प्रदेश ०३-०१-००५ ख ९९७५ नम्बरको बस रामेछाप मन्थली नगरपालिका ६ मसानटारस्थित सडकबाट करिब एक सय मिटर तल तामाकोशी नदीमा खसेको हो।

रामेछापका प्रहरी नायव उपरीक्षक भोला भट्टले घाइतेको खुर्कोटस्थित शुभ जीवन अस्पताल, मन्थली अस्पताल र तामाकोशी अस्पतालमा उपचार भइरहेको छ।

उनले बस चालकलाई प्रहरीले नियन्त्रणमा लिएको बताए। बसका बाँकी यात्रुको अझै खोजतलाश जारी रहेको प्रहरीले जनाएको छ।

प्रकाशित मिति: मंगलबार, माघ २७, २०८२ १६:३२