आईसीसी टी–२० विश्वकपः तीन खेल हुँदै, इंग्ल्यान्ड र वेस्ट इन्डिजबीच रोचक भिडन्त

समाज

गृहपृष्ठ
समाज

आईसीसी टी–२० विश्वकपः तीन खेल हुँदै, इंग्ल्यान्ड र वेस्ट इन्डिजबीच रोचक भिडन्त

क्यापिटल नेपाल बुधबार, माघ २८, २०८२

काठमाडौं। भारत र श्रीलंकामा जारी विश्व क्रिकेट महाकुम्भअन्तर्गत आज आईसीसी टी–२० विश्वकपमा तीन खेल हुँदैछन्। समूह ‘डी’ मा रहेको दक्षिण अफ्रिका र अफगानिस्तान, समूह ‘बी’ का अस्ट्रेलिया र आयरल्यान्ड तथा समूह ‘सी’बाट इंग्ल्यान्ड र वेस्ट इन्डिजबीच खेल हुनेछ।

अस्ट्रेलिया र आयरल्यान्डबीचको खेल श्रीलंकाको कोलम्बोस्थित आर प्रेमदासा स्टेडियममा अपराह्न सवा ३ बजे हुनेछ। अस्ट्रेलियाको यो पहिलो खेल हो। आयरल्यान्ड यसअघि पहिलो खेलमा श्रीलंकासँग पराजित भइसकेको छ।

बाँकी दुई खेल भारतमा हुनेछन्। पहिलो खेल बिहान सवा ११ बजे दक्षिण अफ्रिका र अफगानिस्तानबीच अहमदावादस्थित नरेन्द्र मोदी स्टेडियम सुरु भएको छ। दक्षिण अफ्रिकाले पहिलो खेलमा क्यानडालाई हराएको थियो। अफगानिस्तान भने पहिलो खेलमा न्युजिल्यान्डसँग पराजित भएको थियो।

बेलुकी सवा ७ बजे समूह ‘सी’को खेलमा इंग्ल्याण्ड र वेस्ट इन्डिजबीच भिडन्त हुँदै हुँदै छ। यो समूहमा रहेको नेपालले आइतबार भएको खेलमा ५ रनले इंग्ल्यान्डसँग हारेको थियो। यस्तै, वेस्ट इन्डिजले स्कटल्यान्डलाई हराएको थियो। दुई टोलीबीचको खेल कोलकातास्थित वानखेडे स्टेडियममा हुनेछ।

प्रकाशित मिति: बुधबार, माघ २८, २०८२ ११:२३