भीआईपीलाई धम्क्याउने प्रकाश पाठकलाई तीन दिन थुनामा राख्न अनुमति

राजनीति

गृहपृष्ठ
राजनीति

भीआईपीलाई धम्क्याउने प्रकाश पाठकलाई तीन दिन थुनामा राख्न अनुमति

क्यापिटल नेपाल बुधबार, माघ २८, २०८२

काठमाडाैं। अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईसहित १० जना विशिष्ट व्यक्ति (भीआईपी) लाई धम्की दिएको आरोपमा पक्राउ परेका प्रकाश पाठकमाथि अनुसन्धान गर्न अदालतले तीन दिनको म्याद दिएको छ। जिल्ला अदालत काठमाडौंले पाठकलाई हिरासतमा राखेर अनुसन्धान प्रक्रिया अगाडि बढाउन प्रहरीलाई अनुमति दिएको हो।

फिलिपिन्समा बसेर इमेलमार्फत ज्यान मार्ने धम्की दिँदै आएका पाठकलाई बुधबार बिहान मात्रै नेपाल ल्याइएको थियो। उनले गत मंसिरमा अख्तियारको आधिकारिक इमेलमा आयुक्त राई पदबाट राजीनामा नदिए हत्या गर्ने भन्दै चेतावनीपूर्ण सन्देश पठाएका थिए।

नेपालमा चारवटा मुद्दा खेपिरहेका पाठकविरुद्ध आपराधिक विश्वासघात, जबरजस्ती असुली र आपराधिक षडयन्त्रको कसूरमा अनुसन्धान भइरहेको जिल्ला प्रहरी परिसर काठमाडौंका प्रमुख एसएसपी रमेश थापाले जानकारी दिए।

प्रकाशित मिति: बुधबार, माघ २८, २०८२ १७:१७