सागर डिष्टिलरीको आम्दानी ५५ प्रतिशतले बढ्यो

अर्थतन्त्र

गृहपृष्ठ
अर्थतन्त्र

सागर डिष्टिलरीको आम्दानी ५५ प्रतिशतले बढ्यो

क्यापिटल नेपाल बिहीबार, माघ २९, २०८२

काठमाडाैं। सागर डिष्टिलरी लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ। वित्तीय विवरणअनुसार कम्पनीको बिक्री आम्दानी गत आर्थिक वर्षको सोही अवधिको तुलनामा बढेको हो।

गत आर्थिक वर्षको पुस मसान्तसम्ममा ८ करोड ३२ लाख रुपैयाँ बिक्री आम्दानी गरेको कम्पनीले चालु आर्थिक वर्षको सोही अवधिसम्ममा १२ करोड ९१ लाख रुपैयाँ आम्दानी गरेको छ। समीक्षा अवधिमा कम्पनीको सो आम्दानी ५५.१४ प्रतिशत बढेको हो।

यस्तै, समीक्षा अवधिमा कम्पनीको खुद बिक्री आम्दानी ५९.६५ प्रतिशत बढेको छ भने कुल नाफा ८८.३२ प्रतिशत बढेको छ। आम्दानी बढे पनि कम्पनीको नोक्सानी भने गत आर्थिक वर्षको सोही अवधिको तुलनामा बढेको छ।

गत आर्थिक वर्षको पहिलो ६ महिनासम्ममा १ करोड ४५ लाख रुपैयाँ नोक्सानीमा रहेको कम्पनीले चालु आर्थिक वर्षको सोही अवधिसम्ममा २ कराेड ६१ लाख रुपैयाँ नोक्सानी व्यहोरेको छ। कम्पनीको खर्च बढेका कारण नोक्सानी बढ्न पुगेको हो।

प्रकाशित मिति: बिहीबार, माघ २९, २०८२ ११:१२